Verizon iPhone del më 11 janar?

Operatori mobil amerikan Verizon nesër do të mbajë një ngjarje të veçantë mediale, ndërsa duket se kjo kompani përfundimisht do ta zbulojë versionin e Verizon iPhone, për të cilin ne kemi dëgjuar thashetheme për më shumë se një vit.

Rivali i Verizon, AT&T deri tani e ka mbajtur ekskluzivitetin për iPhone, prej kohës kur modeli i parë i këtij telefoni ishte paraqitur në treg në vitin 2007, ndërsa tani është pikërisht Verizon ajo kompani që po e paralajmëron iPhone-in për rrjetin e saj mobil.

Versioni i Verizon iPhone është një lajm i mirë për konsumatorët dhe për Apple gjithashtu, pasi që përdoruesit ekzistues si dhe ata potencial tanimë do të kenë më shumë mundësi të zgjedhjes, sepse deri tani ata kanë qenë “të lidhur” vetëm me një rrjet.

Pajisja me iPhone, gjithsesi do të thotë miliona konsumatorë më shumë për Verizon, dhe kjo gjë është dëshmuar në tregun e Britanisë së Madhe, ku konsumatorët kanë pasur shumë mundësi për zgjedhje, ndërsa operatorët leverdi prej këtij telefoni të mençur mobil.

Do të jetë interesante të shihet se si do ta ndikojë AT&T-në heqja e ekskluzivitetit të iPhone nga Apple, ndërsa pritet që shumë konsumatorë të këtij operatori mobil të kalojnë në Verizon. / Telegrafi /