“Vëllau” i Hashimit
Larg qoftë, familja e kryeministrit në dorëheqje assesi nuk është objekt i këtij shkrimi, dhe kërkoj ndjesë nga çfarëdo asociimi eventual me ngjarjet apo zhvillimet në frontet politike apo antikorruptive, ku është lakuar me raste edhe emri i ndonjërit nga vëllezërit biologjik të tij. Jo se mund të ketë rrezik që ndonjëri nga ata të më sulmojë në ndonjë lokal të kryeqytetit të Kosovës, sepse kjo tashmë shpresojmë të jetë logjikë e tejkaluar për këtë shoqëri, por sepse “vëllau” për të cilin do të flasë, ka mare një rol tejet të rëndësishëm në këtë vend, shumë më shumë se vëllezërit e vërtetë të kryeministrit.
Gjithashtu, “vëllau” i Hashimit, u bë objekt i këtij shkrimi edhe për shkak të paqartësisë rreth mbështetjes që po merr pikërisht kryeministri në largim nga “vëllau” i tij, dhe papritmas fillon të bëhet edhe më enigmatike pse e pat dërguar para pak muajsh, komplet kabinetin qeveritar atje, bashkë me dyshimet për pazare të fshehta, të cilat asnjëherë nuk u sqaruan deri në fund. Këtu nuk do të flas as për sukseset e kompanive turke në tenderët me rendësi nacionale në këtë vend. Nuk e apstrahoj faktin se Turqia moderne, paraqet njërën nga fuqitë e reja ekonomike jo vetëm të rajonit, e cila sipas disa prognozave deri në vitin 2020 do të jetë ekonomia e dytë evropiane, po ashtu nuk e injoroj as faktin se ajo luan një rol të dorës së pare edhe në gjeopolitikën globale.
Po ashtu nuk lihet jashtë vëmendjes as fakti se Turqia nuk po pranohet si një vend Evropian dhe se ka rezerva të mëdha lidhur me politikën e sajë të brendshme (të drejtat demokratike të qytetarëve dhe komuniteteve), por edhe me fqinjët. Por, për përmbylljen e linjës së dilemave apo argumentimeve të këtij shkrimi është me rendësi të theksojmë peshën dhe përgjegjësinë politike të dy kryeministrave, dhe është krejt e arsyeshme të pyetemi se cila do të jetë kostoja e kësaj “vëllazërie” për qytetarët e këtij vendi dhe shtetin e Kosovës?
Çka po ndodhë?
Padyshim, Turqia e kohës më të re është një vend mik i Kosovës, dhe kjo për arsyen e thjeshtë se e ka mbështetë luftën tone për çlirim e jo për arsye tjera historike për të cilat do të mund të aludonte ndokush , nostalgjik ndoshta për kohët e perandorisë së perënduar osmane. Është vend mik, sepse në konjukturat rajonale krijon një baraspeshë të favorshme për interesat strategjike të vendit tone. Po ashtu interesi ekonomik i Kosovës na orienton shpeshherë andej sepse rrugët e biznesit janë të shtruara dhe të pashtruara, por gjithsesi në fund maten me normat e fitimit.
Por, kur flasim për vëllazërinë në nivel nacional, dhe për identitetin tonë, nuk mundet të mbulohet fakti historik se më se një milion qytetarë turq me origjinë nga Kosova, me siguri se nuk kanë shkuar atje përmes një politike vëllazërore në mes të dy shteteve tona, apo popujve tanë, por në bazë të marrëveshjeve sekrete të shtetit turk me Jugosllavinë e krajlit dhe më vonë të Titos e Rankoviqit. Ata sot e kësaj dite, janë të regjistruar si turq, dhe janë asimiluar krejtësisht.
Projektet e akademikut serb Çubrilloviq, e më vonë edhe nobelistit Andriq, për pastrimin etnik, kishin gjetur mikun e mire në politikën e atëhershme turke. Ekzistimi i këtyre marrëveshjeve ishte dikur sekrete, por tashmë nuk ka dilema rreth kësaj. Nuk duhen shumë mend dhe informacione, për të shikuar më tutje këtë çështje, dhe për të kuptuar se orientimi kah orienti në këtë kohë e largon Kosovën nga kontinenti amë dhe proceset integruese evropiane.
E rrasur deri në fyt në korrupsion, kjo klasë politike po lyp aleat andej nga ligji nuk e ka fuqinë që e kërkon Bashkimi Evropian dhe se po e eskivon projektin rajonal për vendet ish-komuniste për ndarjen e krimit nga shteti dhe përgatitjen institucionale për integrim në BE.
“Vëllezërit” e Demaçit dhe të Hashimit
Asgjë nga e kaluara nuk asocion për lidhje vëllazërore në mes Turqisë dhe shqiptarëve, e veçanërisht kosovarëve, nëse nuk e marrim parasysh prezencën e një numri të madh të kosovarëve në Turqi , të cilët mbërritën atje në bazë të marrëveshjeve sekrete në mes të shtetit turk dhe Jugosllavisë, dhe në funksion të spastrimit etnik sistematik të zhvilluar nga shteti serb që nga koha e Lidhjes së Prizrenit e këndej.
Marrëdhëniet miqësore me Turqinë janë interes i këtij vendi, për arsye ekonomike, por edhe për arsye se një numër i qytetarëve të Kosovës kanë shfrytëzuar lirinë kushtetuese dhe janë deklaruar me nacionalitet turk. Kjo natyrisht nuk është rasti me shqiptarët që jetojnë në Turqi. Por kjo nuk paraqet një arsye të mjaftueshme për të deformuar historinë apo për të luajtur me orientimin tonë strategjik kah zhvillimi dhe afirmimi i identitetit tonë evropian.
Interesat e grupeve ekonomike, nuk mund të jenë arsye e mjaftueshme me luajt me të kaluarën apo të ardhmen e këtij vendi dhe qytetarëve të tij. Dikur bëhej humor nëpër “odat” tona politike me “vëllezërit e Adem Demaqit” ku aludohej në serbët edhe pse shteti serb e kishte mbajtur në burg mbi 27 vite, ndërkohë që tash po na dalin në skenë edhe “vëllau” i Hashimit, i cili erdhi në krye të shtetit, i cili na kishte pushtuar për 500 vjet rresht, dhe krejt kjo po synohet me u shitë si një “hamburger” politik të cilin qytetarët e këtij vendi duhet me e ngrënë pa bërë shumë fjalë.
Derisa, Adem Demaçi këtë e bënte në emrin e tij personal, dhe si viktimë e cila donte të tregonte zemërgjerësi dhe të dallonte qytetarët serb nga shteti serb, Hashimi e shpallë vëllazërinë e tij nga pozita e kryeministrit në largim, të këtij vendi dhe pas një bisede zyrtare, ndërshtetërore duke përdorur foltoren e kryeministrisë së këtij vendi.
Lufta Prigozhin - Putin
Më shumëGjendet turistja franceze që ishte zhdukur në malet shqiptare prej ditësh
Shqipëria vazhdon me gola të 'çmendur', Nedim Bajrami shënon tjetër perlë me fanellën kuqezi
AMP
Ndryshimi drastik në trup i ish-golashënuesit më të ri në La Liga i mahniti të gjithë, por ai është ende ‘mjeshtër’ i golit
Pse e ktheu shpinën: Biden i habiti mikpritësit në përvjetorin e D-Day
Al Ittihadi “peshkon” në Spanjë – synohet transferimi i top yllit të Barcelonës
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
AMP
Publikohet audio e bisedës në mes të oficerit të BIA-s dhe të dyshuarit për spiuanazh, Bedri Shabani
Gjashtë ditë të tmerrshme në burgun e Stanfordit - historia e eksperimentit që njerëzit paqësorë i shndërroi në ‘përbindësha’
Ky është restoranti më i mirë në botë për vitin 2024
Spiunët e arrestuar dhe BIA serbe patën bisedime një ditë pas sulmit në Banjskë
Gjendet turistja franceze që ishte zhdukur në malet shqiptare prej ditësh