Serbi i Dritës nuk do ta veshë kurrë fanellën e Kosovës

Babai i Aleksandër Sushiqit, lojtarit serb që po provohet te Drita, Novica, ka thënë se djali i tij kurrë nuk do të luajë për Kosovën. Ai pranon se mund të luajë për Dritën, të cilën mund ta lë për ndonjë ofertë nga Serbia.

Lojtari serb, Aleksandër Shoshiq që po provohet te Drita e Gjilanit, ka ngjallur reagime të mëdha në Serbi. Mediat serbe kanë kritikuar lojtarin që ka vendosur të luajë për një skuadër shqiptare, derisa kanë intervistuar babain e tij, Novica, i cili ka deklaruar se pavarësisht se sulmuesi 19-vjeçar do të luajë për Dritën, ai kurrë nuk do të vesh fanellën e Kosovës.

“Djali im i talentuar është dëshiron të kënaqet me futboll sepse është diçka që e do më së shumti në jetë dhe nuk i intereson asgjë tjetër. Pasi nuk ka kushte të luajë në Pasjanin tonë, e kam dërguar tek Drita e Gjilanit, sepse është skuadra që e kemi më së afërmi. Nëse dikush në Serbi e ka një ide më të mirë dhe dëshiron të na ndihmojë, ne do ta pranonim me kënaqësi”, ka thënë Novica për Kurir.

I pyetur nëse Aleksandër është i mirëpritur nga bashkëlojtarët, babai shtoi: “Të them sinqerisht, si prind, në fillim nuk e kisha të lehtë që djali im të stërvitet së bashku me 30 shqiptarë. Megjithatë, gjithçka ka kaluar pa problem. Është duke u provuar dhe ende nuk është bërë lojtar i Dritës”.
Novica ua plotësoi dëshirën mediave serbe, duke i garantuar se djali i tij nuk do të vesh fanellën e Përfaqësueses së Kosovës. “Nuk jam patriot sikur ata të Beogradit, por për Kosovën nuk do të luajë kurrë. Nëse do të jetë aq i mirë, do të mund të luante për Serbinë, ndërsa tash për tash ai as nuk është regjistruar për Dritën”, garantoi Soshiq.

Drita: Serbët le të reagojnë për ushtarët e ministrat

Drejtuesve të Dritës nuk po u bënë përshtypje reagimet e mediave serbe për lojtarin që po provohet tek ta. Ata thojnë se nëse Shoshiq ka cilësi do ta ndalin, dhe nuk do t’iu interesojë fare kombësia e tij. “Ai njëherë është duke ushtruar, kurse reagimet e tyre nuk na interesojnë. Ata është dasur të reagojnë edhe për ushtarët serbë të FSK (Forca e Sigurisë së Kosovës), dhe ministrat që i kanë në Qeverinë e Kosovës. Ne nuk jemi racistë, për ne të gjithë janë të njëjtë”, u shpreh për Arenën, zyrtari i lartë i Dritës, Islam Rashiti.

Javën e kaluar, trajneri i Dritës, Agron Selmani tregoi për Arenën cilësitë e Soshiqit, sipas të cilit me moshën që ka ai (19) mund të kontribuojë edhe tek juniorët.

Novica kritikon mediat serbe

Për shkak të bujës që bëri lajmi për djalin e tij në mediat serbe, Novica Shoshiq ka pyetur mediat e këtij vendi, duke iu thënë se: Përse nuk shkruani për ministrat në qeverinë e Kosovës?. /Tribuna/Telegrafi/