Rekord i ri ne shtegun e garave në Grashtice (Video)

Të dielën është zhvilluar gara e katërt automobilistike në kampionatin e Kosovës në disiplinën malore në shtegun tashmë tradicional të Grashticës që ndodhet në afërsi të Prishtinës.

Për organizimin e gjithë kësaj gare për një kohë të shkurtë, u përkujdes Fask – Eurogoma e cila me stafin e saj, mundësuan një organizim rekord dhe një përfundim të suksesshëm teë gjithë kësaj gare.

Ne këtë garë morën pjesë gjithsej 34 garues në gjashtë kategori të kësaj disipline, ku bindshëm dominoi garuesi Valdet Krasniqi nga A.K. "Prishtina R.T." i cili me veturën e tij Lancia HF Turbo Integrale shënoi edhe rekordin e ri të këtij shtegu me kohen 1:42.:46, ndërsa rekordi i mëparshëm 1:47:59 mbahej nga garuesi Blerand Hasanaj, i cili në këtë garë zuri vendin e tretë në kategorinë e pestë.

Garuesi dominant i këtij sezoni, Naim Dashaj me veturë e tij Subaru Impreza STI u desh të kënaqej me vendin e dytë në plasmanin individual, po ashtu edhe në atë të përgjithshëm.

Ne këtë garë, po ashtu dominoi kampioni i shumëfishtë, Shkelzen Lajqi, i cili zuri vendin e parë në kategorinë e katërt (plasman individual) dhe vendin e tretë në plasman gjeneral, i cili theu rekordin e tij personal me kohen 1:45:18.

Në kategorinë e tretë vendin e parë e zuri Valdet Kaqandolli nga A.K. "Prishtina R.T." me veturën Suzuki Swift Gr.A me kohën më të mirë 1.49:68. Në Kategorinë e dytë vendin e parë e zuri garuesi Burim Asllani nga A.K. "Ferizaj" me veturën Suzuki Swift GTI, ndërsa kolegu i tij, garuesi Besfort Bunjaku nga A.K. "Ferizaj" zuri vendin e parë në kategorinë e parë të kësaj disipline.

Edhe kësaj here ekip dominues dhe që zuri vendin e parë në plasmanin ekipor ishin "Prishtina Racint Team" që bindshëm udhëheq gjatë këtij sezoni.

Gara e radhës do të organizohet pas dy javësh në disiplinën rrethore/slalom në qytetin e Prizrenit.