Kozniku i gatshëm për t’u bërë trajner i Kosovës

Ardian Kozniku, ish futbollist i shquar, është shprehur i gatshëm që të ndihmojë futbollin e Kosovës.

Kozniku, i cili është futbollisti i vetëm shqiptarë që ka fituar medalje të bronzte në Kampionatin Botëror me Kroacinë në vitin 1998, tashmë ka bagazh të madh në zejen e trajnerit.

Ai ka qenë pjesë e suksesit të disa skuadrave elitare në Kroaci. Kozniku i ka thënë KosovaPress-it se ka bagazh të mjaftueshëm për ta ndihmuar, por edhe për ta drejtuar përfaqësuesen e Kosovës. Kozniku thekson se më dëshirën më të madhe do ta priste ftesën e Kosovës.

“Si çdo trajner unë kam shprehur gatishmërinë dhe e ndje vetën se jam i gatshëm të kontribuojë. Kam thënë disa herë se nuk dua të keqkuptohem që populli ime të mos mendoj dhe të thotë se vetëm unë, unë, unë. Unë nuk jam asi tipi. Unë e ndjeje vetën si lojtar dhe si trajner këtyre viteve ku kam bërë gara edhe me ekipet si Dinamon apo Lokomotivon apo si trajner më kategori të reja, kështu që kam një përvojë të mirë dhe kam shijuar përvoja të shumta edhe nga gjeneratat e mëhershme dhe kam mësuar nga ta. Nuk e di kush do ta refuzojë ftesën që e thirr Kosova”, ka thënë Kozniku.

Ish futbollisti i cili ka lënë gjurmë në klubet të ndryshme evropiane, ka folur edhe për tri ndeshjet miqësore ndërkombëtare të Kosovës. Sipas Koznikut, kërkohet kohë për ndërtimin e një përfaqësues të denjë. Ai thotë se përfaqësuesja nuk ndërtohet brenda natës.

“Në këto tri ndeshje janë pa shumë lojtarë, janë analizuar shumë lojtarë. Sa i përket ndeshjes me Haitin e kam përcjell në TV. Ka qenë lojë shumë e mirë, edhe pse kundërshtari ishte shumë më i dobët se në dy ndeshjet e fundit. Me Turqinë ka qenë një lojë edhe pse rezultati shumë i thellë. Ata treguan se Turqia është shumë e fortë. Normal se duhet shumë punë se brenda natës nuk bëhet skuadra dhe se ka mundësi të zgjidhen shumë lojtarë”, tha Kozniku.

Ndërkaq, sa i përket miqësores kundër Senegalit, Kozniku mendon Kosova pavarësisht humbjes tregojë performancë më të mirë. Kozniku është i bindur se Kosova ka potencial që të ndërtojë një përfaqësues të denje për garat ndërkombëtare. /KP/Telegrafi/