CNN flet për sfidat e Kosovës për pranim në garat ndërkombëtare

Agjencia e lajmeve CNN ka analizuar librin “Thirty-one Nil” nga autori James Montayue, i cili ka udhëtuar nëpër vende të ndryshme të botës për të dokumentuar ngjarjet e futbollit. Montayue ka takuar krerët e Federatës së Futbollit të Kosovës duke shkruar rreth të arriturave, pengesat, takimet e ndryshme të kësaj federate.

James Montayue, në librin e tij tregon rreth karrierës së Fadil Vokrrit,i cili ka qenë pjesë e reprezentacionit jugosllav dhe lojtari i vetëm nga Kosova që ka luajtur për ish-Jugosllavinë.

Montayue në librin e tij cek se sa shumë lojtarë kosovarë luajnë për Zvicrën, si Xherdan Shaqiri, Valon Behrami, Granit Xhaka e shumë të tjerë.

Montayue shkruan rreth betejës së Federatës së Kosovës në pranimin e saj në të gjitha shtëpitë më të mëdha të futbollit, në njërën anë Rusia me veton e saj në Kombet e Bashkuara e pengon Kosovën të jetë pjesë e saj, ndërsa në anën tjetër, sipas statusit më të ri të UEFA-s, duhesh të jesh anëtarë i Kombeve të Bashkuara për tu pranuar në këtë organizatë. /Koha/Telegrafi/