Llamkos Kosova apo Ferizaj?

‘Ferki Aliu’ na jep njërën ndër dy finalet e mbetura të këtij edicioni tejet dramatik. Vushtrriasit nuk duhet të shikojnë asnjë skenarë, pasi që vetëm me fitore do ta mbanin epërsinë prej katër pikësh me Prishtinën, ndaj të cilës luajnë në xhiron e fundit në shtëpi. Gjah të plotë do edhe Ferizaj, e cila me tri pikë eventuale nga ky takim do t’i afrohej në vetëm një pikë Llamkosit, tani kur jemi dy xhiro para fundit të kampionatit.

Në tribuna pritet atmosferë e madhe, por sa do të jetë i gatshëm ky Llamkos t’i thotë ‘stop’ rezultateve negative, mbetet të shihet. Semir Zeneli e di shumë mirë rëndësinë e takimit ndaj Ferizajt. Sulmuesi i vushtrriasve thotë që skuadra e tij s’ka alternativë tjetër përpos fitores.

“Nëse dëshirojmë ta fitojmë titullin kampion, duhet ta mposhtim Ferizaj nesër, zgjidhje tjetër nuk kemi. Jemi të përgatitur në të gjitha aspektet dhe jemi të gatshëm për këtë ndeshje shumë të rëndësishëm”, deklaroi Zeneli për gazetën Arena.

Çfarë mendoni ju lexues të nderuar, kush do ta fitojë sot këtë super-derbi? Na shkruani në hapësirën për komente… /Tribuna/Telegrafi/