Nuri Seferi mposht ish-kampionin e botës

Boksieri shqiptar shënoi fitoren e 34-të në peshën cruiser, kur kundërshtari i tij, Steve Herelius u diskualifikua në duelin e mbajtur në Hamburg.

Nuri Seferi ka arritur të shënojë një fitore tejet të rëndësishme në karrierën e tij të boksierit profesionist në peshën “cruiser”.

Ai të premten në mbrëmje në Hamburg, pas 13 muajve, ka shënuar fitore ndaj ish-kampionit të botës, Steve Herelius, pas diskualifikimit të këtij të fundit nga arbitri në ring, Holger Ëiemann vendosi të diskualifikojë francezin për shkak të lëndimit të tij në arkadë.

Gjatë tërë duelit me goditjet e tij, Seferi ka qenë më bindës, duke shkundur shumë herë francezin. Rasti kritik ndodhi në rundin e shtatë, kur arbitri 2 minuta para përfundimit të tij, vendosi se kaq mjaftonte që Seferi të shpallej fitues, ndërsa vendimin e arbitrit e vlerësoi shumë korrekt edhe komentatori nga vendi i ngjarjes i Eurosport që transmetonte drejtpërdrejt duelin.

Fitorja është dhuara më e mirë për ditëlindjen e 37-të të Seferit, e cila zyrtarisht është të hënën. Ai deri më tani ka 34 fitore dhe 6 humbje, ndërsa kjo fitore i hap mundësinë që në vitin 2014 sërish të sfidojë ndonjë titull të rëndësishëm bote. Herelius mbetet në 22 fitore dhe tani më 5 humbje. /Sporti1.com/Telegrafi/