Përforcohen Trepça e Drita

Para ndeshjeve të radhës në ETC Superligë, Trepça dhe Drita kanë paraqitur për regjistrim lojtarë të rinjë të huaj.

Trepça e Mitrovicës ka paraqitur një malazias, kurse Drita e Gjilanit një amerikan për regjistrim në zyrat e Federatës së basketbollit të Kosovës (FBK).

Skuadra e Trepçës, që për momentin është e treta në ETC Superligë, ka ç’regjistruar basketbollistin Dominique Lacy. Mitrovicasit në vend të tij kanë sjellur malaziasin Zarko Dragicevic, që pritet të debutojë këtë javë për ekipin e gjelbër.

Malaziasi ka të drejtë loje në javën e radhës të ETC Superligës, më 24 nëntor 2013, pasi që klubi të kompletojë dokumentacionin e duhur dhe të paguajë obligimin financiar në FBK. Trepça në xhiron e radhës do të ndeshet me kampionen aktuale të ETC Superligës, Pejën.

Drita e Gjilanit ka paraqitur për regjistrim basketbollistin e huaj, Takais Brown. Brown do të mund të luaj për Dritën që në xhiron e ardhshme të ETC Superligës, pasi që klubi të kompletojë dokumentacionin e kërkuar konfrom nenit 47 të Rregullores për regjistrim në FBK dhe kryerjes së obligimit financiar. Ekipi i Dritës, ka nisur shumë mirë stinorin por në tre xhirot e fundit ka pësuar. Ata tash kanë 4 fitore e 4 humbje në 8 xhirot e para. Gjilanasit do të udhëtojnë në fundjavë për në Pejë, ku do të ndeshen me Besën. /Sporti1/Telegrafi/