Kukrika përforcimi i ri i Besa Famiglia

Besa Famiglia është përforcuar para paraqitjes së saj në Evropë dhe Superligën e Kosovës. Përforcimi i radhës është reprezentuesi i Bosnjës, kroati Ante Kukrika.

“Kroati Ante Kukrika ka një karrierë të madhe hendbollistike. Ai ka luajtur në ekipe të njohura në Evropë, ishte lojtari i Metkoviçit,Vardarit dhe në fund ka luajtur për ekipin e Sllogës së Bosnjës dhe disa herë ka qenë edhe reprezentues i Bosnjë”, tha anëtari i Bordit të Besa Famiglas, Enis Idrizi.

“Me Kukrikan kemi një marrëveshje 1 vjeçare, por me mundësi vazhdimi”. Kukrika (31), i cili do ta mbaj fanellën me numër 18, luan në pozitën e mbrojtësit të majtë qendror.

Edhe kroati u shpreh i kënaqur me transferimin e tij në Besa Famigila.

“Do mundohem ta jap më të mirën këtu dhe synimet e mia këtu janë ti ndihmojë klubit pejan në rikthimin e titullit. Me pëlqen shumë qyteti i Pejës, e mbi të gjitha prioritet i imi është familja, andaj edhe një nga arsyet e ardhjes sime është që ndodhem më afër saj”, tha Kukrika. Synimet e klubit janë që të arrijnë sa më larg në Evropë.

“Në xhiron e parë takohemi me ekipin e Salfordit të Anglise dhe gjasat tona reale janë që të vazhdojmë tutje dhe shpresojmë që edhe me pak fat të arrijmë sa më larg në arenën ndërkombëtare”, shtoi Kukrika. /Zëri/Telegrafi/