Kryeziu me rekord të ri

Dita e parë e kampionatit të Kosovës ka kaluar në shenjë të Astrit Kryeziut, i cili edhe një herë ka dominuar në shtegun e mbretëreshës së sporteve. Garuesi i KA Rogana ka triumfuar në disiplinën 400 metra, derisa ka arritur rekord të ri të Kosovës, me kohë 48:26 sekonda.

Ky rezultat është pritur nga Kryeziu, i cili në disa garat e fundit vazhdimisht ka shënuar rezultate kulminante. Në këto gara është dalluar edhe kolegu i tij nga KA Rogana, Musa Hajdari, i cili pati një paraqitje në disiplinën 1500 metra, garë të cilën e fitoi me kohë 3:51.24 minuta.

Fituesit nëpër disiplina ishin: 100 metra (f): Rita Hajdini (LLA) 13.48 sek; 100 metra (m): Mentor Ajazaj (PRZ) 11.03; 400 metra (f): Vijona Kryeziu (ROG) 1:01.86; 400 metra (m): Astrit Kryeziu (ROG) 48.26; 1500 metra (f): Arbenita Orac (LLA) 5:20.59; 1500 metra (m): Musa Hajdari (ROG) 3:51.24; 5000 metra (m): Zymer Alaj (JUN) 17:57.61; 5000 metra (f): Besarta Maxhuni (FKO) 20:23.22; Shtafeta 4×100 (f) KA Llapi 54.91; Shtafeta 4×100 (m) KA Rogana 45.20; trehapësh (f): Shkurte Fazliu (LLA) 9.64 metra; kërcim së gjati (m): Ajet Metolli (LLA) 6.72 metra; gjyle (m): Behar Shala (JUN) 12.88 metra; disk (f): Ardita Uka (TRE) 32.70; shtizë (m) Bujar Tërshani (PRI) 46.60. /Zëri/Telegrafi/