Trepça konfirmon interesimin për Krasniqin

Ashtu siç ka raportuar Arena të martën, Trepça ka konfirmuar interesimin e saj për ta angazhuar trajnerin e njohur kosovar, Ramiz Krasniqi. Mitrovicasit pohojnë se Krasniqi është kandidati kryesor i tyre për ta zëvendësuar Prekazin në krye të shtabit teknik të klubit gjelbër e zi. Këtë e ka konfirmuar nënkryetari i Trepçës, Avni Haxhiu.

“Ne kemi respekt të jashtëzakonshëm për Ramiz Krasniqin. Kryetari jonë Nexhmedin Haxhiu do të bisedoj me Krasniqin, porsa të kthehet nga Shqipëria. Por, para se kryetari të vjen nga Shqipëria, sipas të gjitha gjasave, unë do ta takoj paraprakisht zotëri Ramiz Krasniqin”, tha për Arenën Avni Hahxiu, sipas të cilit, deri në emërimin e trajnerit të ri, skuadra do të udhëhiqet nga ndihmës-trajnerët, Sheremet Jusufi e Gëzim Kaçaniku.

Duhet theksuar se as ish trajneri i Prishtinës e Feronikelit në një prononcim për Arenën nuk e kishte përjashtuar mundësinë për të lidh ‘kurorëzim’ me Trepçën, për çka palët patën biseduar edhe më moti. /Tribuna/Telegrafi/