Vuniqi kritikoi ashpër Belegun

Duke parë parregullsitë procedurale që u zhvilluan sot në kuvendin e Federatës së Basketbollit të Kosovës, kandidati për Kryetar të FBK-së, Blerim Vuniqi, me pëlqimin e anëtarëve të bordit nga të cilët e kishte marrë pëlqimin për kandidim, vendosi që të tërheq kandidaturën e tij për postin e të parit, duke e kritikuar ashpër tashmë kryetarin e ri, Erolld Belegun.

“Dua të bëj të ditur se tërhiqem nga gara për kryetar të FBK-së, duke parë që persona të caktuar, kanë zgjedhur forma të manipulimeve, mes tyre edhe falsifikime, vetëm e vetëm për të qenë në krye të Federatës së Basketbollit të Kosovës”.

“Unë nuk e shoh vetën pjesë të këtij rrethi të njerëzve, të cilët nuk e kanë fuqinë të më shohin në sy”, tha Belegu gjatë mbledhjes së kuvendit sot.

Vuniqi kërkoi edhe nga kundër-kandidati i tij Belegu, që për shkaqe morale të tërhiqet nga kjo garë e përcjellur me shumë parregullsi dhe që t’i jepet mundësia një pale të tretë për konkurrim.

Ashtu nuk mendoi Belegu, i cili vazhdoi kandidaturën e tij të përkrahur nga shumica e kuvendarëve, derisa në fund të punimeve të Kuvendit, udhëheqjen e tij e merr Valdet Spahija, pas mospajtimeve rreth udhëheqjes që deri atë kohë e bëri Artan Rugova. /Telegrafi/