hej! Beach Soccer Kosova 2012

Në Pishinën e Gërmisë në Prishtinë, me datë 14 dhe 15 Korrik organizohet turneu i futbollit në rërë " hej! Beach Soccer Kosova 2012".

Në edicionin e parë të këtij turneu që tash e tutje do të jetë tradicional, marrin pjesë 16 ekipe të ftuara nga organizatori, ndërsa skuadrat pjesëmarrëse vijnë nga jeta sportive, shoqërore, organizatat e huaja në vendin tonë, etj.

Turne mbështetet nga Federata e Futbollit e Kosovës, Ministria e Kulturës, Rinisë dhe Sportit, Departamenti i Sportit i Kosovës, Drejtorati për Sport Komuna e Prishitnës dhe kompani vendore të biznesit.

Ndeshjet do të jenë me sistem të eliminimit, ndërsa ato do të referohen nga gjyqtarët e anëtarësuar në Shoqatën Profesioniste të Gjyqtarëve të Kosovës.

Organizatori ka paraparë që ndeshjet të zhvillohen me të gjitha paramatrat dhe rregullat zyrtare të Beach Soccerit, duke filluar nga fusha, gjërësia dhe madhësia, më pas zalli adekuat për lojë, vijat rrethuese të fushës, portat, flamujt dhe të gjitha shenjat tjera sinjalizuese, që parashihen për këtë atraktive.
Një përjashtim të vogël e kemi bërë këtë edicion pasi ndeshjet nuk do të zhvillohen tri herë nga 12 minuta siç është me rregullore, por tri herë nga 10 minuta
Këtë e kemi bazuar në faktin se ndeshjet do të zhvillohen gjatë kohës më të nxehtë të ditës duke filluar nga ora 12:00 e deri në orën 18:00 dhe me këtë rast besojmë se do t’ua lehtësojmë paksa punën skuadrave pjesëmarrëse.

Ndeshja finale do të transmetohet drejtpërdrejt në Radio Televizionin e Kosovës (RTK) të dielën me 15 korrik me fillim nga ora 17:20 minuta.

Fituesi do të shpërblehet me 800 euro
Vendi i dytë me 400 euro
Vendi i tretë me 200 euro, ndërsa nuk do të mungojnë edhe shpërblime për më të dalluarit./Telegrafi/