Hendboll, favoritët kryen detyrat

Fundjava në Superligën e meshkujve në hendboll kaloi ashtu siç pritej. Favoritët me lehtësi kaluan pengesat për t’u përforcuar në pozitat aktuale duke i shtuar gjasat për realizimin e aspiratave të tyre.

Dy të parët, Kastrioti dhe Besa, patën punë të lehtë dhe me gjysmëforcë shënuan fitoret e radhës.

Në këtë xhiro, Drita ishte skuadra e vetme e cila në terrenin e saj shënoi fitore. Ndërsa nderin e nikoqirëve deri diku e shpëtoi edhe Zhegra qw barazoi në duel me Kosovën.

SUPERLIGA – MESHKUJT
Java e 17-të
Deçani – Trepça 35:39(18:17)
Drita – Vëllaznimi 34:33(19:18)
Vjosa – Kastrioti 20:31(10:20)
Llapi – BESA Famiglia 15:28(9:14)
Zhegra – Kosova 33:33(20:19)
Drenica – Prishtina 37:50(15:24)

Pas 17 xhirosh, prijnë Kastrioti dhe Besa me nga 30 pikë që duket të jenë të vetmet skuadra të cilat deri në fund të pjesës së rregullt të garave do të luftojnë për pozitën e parë.

Java e 18-të zhvillohet më 14/15.04.2012 takohen: Drenica – Deçani, Prishtina – Zhegra, Kosova – Llapi, BESA Famiglia – Vjosa, Kastrioti – Drita dhe Vëllaznimi – Trepça.

Femrat, Shqiponja fitoi derbin

Në konkurrencën e femrave derbin e fitoi Shqiponja, e cila mundi Kastriotin (36:32). Me këtë fitore Shqiponja zhvendos pikërisht Kastriotin nga pozita e dytë për t’u pozicionuar vetë, duke qenë përcjellësja më afërt e lideres Prishtina.

Prishtina edhe në këtë fundjavë demonstroi dominimin e plotë në këtë rang garash. Vashat nga kryeqyteti mundën Kosovën (34:16). Prishtina ka shënuar 12 fitore për të mos regjistruar asnjë barazim ose humbje.

SUPERLIGA – FEMRAT
Java e 14-të u
Shqiponja – Kastrioti 36:32(15:17)
KEK-u – Drita 21:26(11:11)
Trepça – Vëllaznimi 34:29(18:12)
Prishtina – Kosova 34:16(17:9)
Istogu pushon.

Në javën e ardhshme takohen: Prishtina – Shqiponja, Kosova – Istogu, Vëllaznimi – KEK-u, Kastrioti – Drita. Trepça pushon.

/Telegrafi/