11 vjet me Telegrafin, 11 vjet me shokun tuaj të ngushtë

Sot përfundon me suksese të shumta viti i parë i dekadës së dytë për Telegrafin, vit ky i cili hap një rrugë të re me objektiva dhe qëllime të reja për të përmbushur.

Gjatë këtij viti në Telegraf janë shkruar mbi 109.500 lajme, të cilat i janë dedikuar plotësisht lexuesve dhe vizitorëve tanë të nderuar.

Deri në këtë vit janë numëruar mbi 100.000 shkarkime të aplikacionit dhe 1,107,100 ndjekës në rrjetet sociale të Telegrafit.

E përveç këtyre, vlen të përmendet edhe rritja e stafit pa punën e të cilëve Telegrafi nuk do të ishte aty ku është tani, e sidomos me rritjen video-prodhimeve të cilat kanë qenë shumë të pranishme në pjesën e dytë të këtij viti e që do të shtohen edhe më shumë në të ardhmen e afërt.

Për vite të tëra qëllimi ynë kryesor ka qenë dhe është që të informojmë, të bashkojmë dhe inspirojmë njerëzit, duke prodhuar lajme dhe informata vendore e ndërkombëtare të besueshme dhe të cilësisë më të lartë, duke iu ofruar një eksperiencë të paharrueshme lexuesve.

Ne do të jemi gjithmonë pranë jush si shoku juaj i ngushtë. Telegrafi ju falënderon përzemërsisht që keni qenë bashkudhëtarët dhe mbështetësit tanë gjatë tërë këtyre viteve si lexues, vizitorë, partnerë dhe klientë.

Për ne jeni arsyeja dhe motivi i punës, për ju jemi shoku juaj i ngushtë që ju përcjellë në çdo hap.

11 vite me ju, dhe shumë të tjera na presin së bashku!

Vizito Telegrafin në Facebook, Instagram, Twitter dhe Youtube.

Instalo Telegrafin në telefonin tënd:

Android:

iPhone: