0Shares

Seat Arona, i cili në gamën e prodhuesit spanjolle do të zë vend nën modelet SUV Atec, do të ketë premierën botërore në shtator, në panairin e automobilave në Frankfurt dhe në sallonet e shitjes në Evropë arrin deri në fund të vitit.

Arona është modeli më i vogël nga tri modelet SUV, të cilët Seat planifikon t’i ofertojë për blerësit.

Vetura është e bazuar në stilin e gjeneratës më të re të modelit Ibiza, ndërsa përdorë edhe platformën mekanike MQB të Volkswagen.

Me modelin Ibiza do të ndajë edhe motorët, në mesin e të cilëve janë agregatet me katër cilindra 1.5 TSI me 150 kuaj fuqi, me tre cilindra 1.0 TSI dhe 1.6 TDI.

Përveç ndërruesit manual të shpejtësisë në versionet e shtrenjta do të jetë në dispozicion edhe opsioni për ndërrues automatik të shpejtësive, transmeton KosovaPress.

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)