Zvogëlohen shpenzimet e jetesës në Maqedoni

Shpenzimet e jetesës në korrik të këtij viti janë zvogëluar pë 0.6 % në krahasim me muajin paraprak, ndërsa çmimet me pakicë kanë mbetur në nivelin e njëjtë, përcjell Telegrafi Maqedoni.

Në krahasim, madje, me muajin e njëjtë të vitit paraprak, shpenzimet e jetesës janë rritur për 1.2%, ndërsa çmimet me pakicë janë rritur për 2.9%.

Sipas të dhënave të ESHS, zvogëlimi i shpenzimeve të jetesës në korrik të këtij viti në krahasim me muajin paraprak, është rezultat i çmimeve më të ulëta të perimeve të freskëta dhe të ftohura përveç patates për 10.6%, vezët për 1.7%, qumështi për 1.2, mielli, drithërat e tjerë, sheqeri, xhemi, mjalti, çokollata dhe prodhimet konditore për 1.1%, iznutrikët për 0.8% dhe prodhimet tjera të frutave për 0.5%.

Zvogëlim të shpenzimeve ka edhe te derivatet e lëngshme për amvisëritë për 6.4%, automobilat dhe vajrat e lëngshëm dhe lubrifikantë si pjesë e pajisjes për mjetet personale qarkullimi për 4.2%, gazi për amvisëritë për 4.1, mjetet për pastrim dhe mirëmbajtje të banesës për 3%, shërbimet spitalore për 2.9, këpucët për 1.1%, kopshtet, bimët dhe lulet 0.7, derivatet e ngurta për amvisëri për 0.4%, aparatet e vogla elektrike dhe pajisja për pranim, inçizim dhe riprodshim të zërit dhe fotografive për 0.3, pëlhurë, energji eletrike për amvisërtitë, telefon dhe telefaks, telefon dhe telefaks shërbimet për 0.2%. /Telegrafi/