Vuante prej vitesh nga dhimbjet e barkut: Për shkak të asaj që i nxorën, hyri në librin e rekordeve Guinness

Mjekët ushtarakë në Sri Lanka operuan një ushtar në pension dhe me atë rast hoqën gurin më të madh dhe më të rëndë në veshka në botë.

Sipas ushtrisë së Sri Lankës, ish-oficerit (62) iu hoq një gur me peshë 801 gram, që është më shumë se pesë herë pesha e një veshke mesatare mashkullore. I operuari kishte dhimbje për të paktën tre vjet.

Guri i hequr ishte 13.37 centimetra i gjatë dhe veshka mesatare është 10 deri në 12 centimetra. Ushtria ka publikuar edhe imazhe pas operacionit.

Army Doctors Enter @GWR Removing the World’s Largest Kidney Stone at #Army Hospital #Colombo.
More details :- https://t.co/kPRhiXcAbg@bbcsinhala @bbctamil @Dailymirror_SL @WHO @newsdotlk @NewsWireLK @DailyNews_lk @ThinakaranLK @BBCWorld @thamilannews @MoH_SriLanka pic.twitter.com/RIqJia0PUx

— Sri Lanka Army (@Sri_Lanka_Army) June 13, 2023

“Guri më i madh dhe më i rëndë në veshka në botë u hoq pas ndërhyrjes kirurgjike më 1 qershor në spitalin ushtarak në Colombo”, thuhet në deklaratën e ushtrisë.

Ky lajm është publikuar pasi madhësia e gurit është futur në Librin e Rekordeve Guinness.

Sipas të dhënave nga Guinness, më parë guri më i madh prej 13 centimetrash iu hoq një personi në Indi në vitin 2004, dhe më i rëndë ishte një pakistanez dhe peshonte 620 gram. /Telegrafi/