Viagra e kombinuar me ilaçe të reja mund të ketë efekte antikancerogjene

Proteinat chaperone e luajnë një rol të rëndësishëm në palosjen e proteinave në qelizat njerëzore dhe në baktere dhe janë objektiva të reja premtuese për ilaçet për ta trajtuar kancerin dhe sëmundjen Alzheimer dhe për ilaçet dhe antibiotikët e rinj antiviral.

Se si mund ta reduktojnë ilaçet si Viagra apo Cialis dhe një derivat i ilaçit Celebrex, për shembull, aktivitetin e një proteine specifike chaperone, me potencialin për efekte antitumoriale dhe antialzheimerike të sëmundjes, është përshkruar në një artikull shqyrtues në “DNA and Cell Biology”, një revistë profesionale nga Mary Ann Liebert, Inc. Publishers.

Artikulli është në dispozicion falas në faqen e internetit të DNA and Cell Biology deri më 9 prill 2015.

Në artikullin "HSPA5 / Dna K May Be a Useful Target for Human Disease Therapies", Laurence Booth, Jane Roberts, dhe Paul Dent, nga Universiteti Virginia Commonwealth, Richmond, e ofrojnë një diskutim të plotë të proteinës chaperone HSPA5/ADN-K dhe dëshminë e publikuar për rolin e saj në sëmundje të ndryshme të njeriut.

Autorët përshkruajnë se si OSU-03.012, një kompleks eksperimental i nxjerrë nga celekoksibi i ilaçit (Celebrex) ndërvepron me Viagrën apo Cialisin për t’i ulur nivelet e proteinave chaperone. Nivelet e reduktuara të HSPA5 dhe ADN-K mund të ndërhyjnë në replikimin e virusit, ta nxisin vdekjen e qelizave bakteriale, dhe madje edhe të prodhojnë "supermikrobe" rezistente ndaj ilaçeve dhe të ndjeshme ndaj antibiotikëve ekzistues.

"Ilaçet si Celebrex dhe Viagra janë në dispozicion dhe në përgjithësi njihen si të sigurta. Ky studim nga Booth dhe kolegët mund të çojë në aplikime të reja të këtyre barnave relativisht të reja", thotë Carol Shoshkes Reiss, kryeredaktore e “DNA and Cell Biology” dhe profesoreshë në Departamentet e Biologjisë dhe Shkencës Nervore, Universiteti i New Yorkut.

"Ndikimi potencial, nëse eksperimentet e përshkruara janë të aplikueshme në sëmundjet njerëzore, mund të jetë modeli i ndryshueshëm. Aplikimet potenciale janë tek infeksionet serioze rezistuese ndaj antibiotikëve, kancerët rezistente ndaj kimioterapive, dhe sëmundje neurodegjenerative që variojnë nga sëmundja e Parkinsonit e deri tek e Huntingtonit ose sëmundja Alzheimer". /Telegrafi/