Vdes i dyshuari i dytë për sulmin masiv me thikë në Kanada

I dyshuari i fundit për goditjet masive të fundit me thikë në Kanada ka vdekur, ka konfirmuar policia.

Sipas mediave të huaja, përcjell Telegrafi, Myles Sanderson, 32 vjeç, u gjet në afërsi të qytetit Rosthern, në provincën qendrore të Saskatchewan, ndërsa oficerët iu përgjigjën raportimeve për një automjet të vjedhur që drejtohej nga një burrë i armatosur me thikë, tha Policia Mbretërore Kanadeze (RCMP).

Oficerët “përplasën” automjetin e Sanderson nga rruga në një kanal dhe ai u arrestua, por hyri në atë që një zëdhënëse e përshkroi si “shqetësim mjekësor”.

Ai u dërgua në spital, por vdiq pak më pas.

Dhjetë njerëz u vranë dhe 18 u plagosën pas sulmeve në një zonë ku jetonin një komunitet indigjen në provincën qendrore Saskatchewan, të dielën.

Dhjetë të lënduar mbeten në spital, tre prej tyre në gjendje kritike.

Në një konferencë shtypi që konfirmoi vdekjen e Myles Sanderson, ndihmës komisionerja e RCMP Rhonda Blackmore tha se ajo kishte qenë për të vizituar vendin dhe tha se shumë prej njerëzve atje kishin “dëshmuar një traumë të jashtëzakonshme”. /Telegrafi/