Uji i tepërt mund të jetë i dëmshëm

Gjithmonë është thënë se konsumimi i ujit pengon dëmtimin e veshkave, ndihmon në humbjen e tepricës së kilogramëve, si edhe rrit koncentrimin. Megjithatë, shkencëtarët paralajmërojnë se tetë gota ujë në ditë nuk janë të mira për shëndet, madje mund të jenë edhe të dëmshme.

Ekspertët thonë se tezat e deritanishme, sipas të cilave sasia e madhe e ujit është e mirë për shëndet, janë të pavërteta.

Mjekët jo rrallë rekomandojnë pirjen e 6-8 gotave ujë në ditë, por shkencëtarët skocezë, të cilët kanë realizuar një studim të ri, thonë se rreziku nga dehidrimi është thjeshtë një ‘mit’ dhe se nuk ka të dhëna që dëshmojnë se uji parandalon problemet shëndetësore.

Sipas tyre, rekomandimet për konsumim të madh të ujit janë të bazuara në interesat e kompanive që shesin ujin.

Ata pohojnë se pirja e sasive të mëdha të ujit mund të sjellë deri te pagjumësia, sepse është e logjikshme që njerëzit që pinë shumë ujë kanë nevojë të shkojnë më shpesh në tualet, ndërsa shtojnë se uji i tepërt mund t’i dëmtojë veshkat, e jo t’i mbrojë ato.

Përveç këtyre komplikimeve, ata thonë se sasitë e mëdha të ujit mund të humbin nivelin e kripës dhe në këtë mënyrë dëmtohet edhe truri. /Telegrafi/