Truproja e Macron dhunoi protestuesit, presidenti francez nxjerr urdhrin e prerë (Video)

Pas videos që qarkulloi më media dhe rrjete sociale teksa truproja i tij dhunonte një protestues, Presidenti i Francës, Emmanuel Macron vjen me një urdhër të ri. Ai ka vendosur që të ndryshojë staf.

I gjendur përball presioneve në rritje, Macron mblodhi të dielën disa ministra për të diskutuar çështjen.

Alexandre Benalla, që ishte edhe truproja kryesore e Macronit, është filmuar teksa tërhiqte zvarrë një grua dhe më pas duke rrahur një burrë, gjatë protestave për Ditën e Majit në Paris. Ai është akuzuar për dhunë në grup dhe për veshjen e një simboli të policisë në mënyrë të paligjshme.

Fill pas këtyre veprimeve të dhunshme Benalla u shkarkua të premten.

Një zyrtar tha se Macron e ka përshkruar incidentin si “të papranueshëm” dhe se ka premtuar se nuk do të kalojë pa u ndëshkuar, përcjell BW.

Mediat e huaja shkruajnë se zyrtari i lartë presidencial, Alexis Kohler, do të mbikëqyrë riorganizimin e zyrës së Macronit për të parandaluar përsëritjen e incidentit.

Presidenca franceze është akuzuar se ka qenë e vetëdijshme për incidentin për disa kohë dhe se është përpjekur ta mbulojë atë, duke mos vepruar me shpejtësi kundër Benallas.