Trepça mundi Sigal Prishtinën

Kryendeshjen e xhiros së katërt e BKT Superligës së Kosovës në basketboll e fitoi Trepça, e cila mundi kampionin në fuqi, Sigal Prishtinën, me rezultat 77:67.

Takimi u zhvillua në pallatin “Minatori” në Mitrovicë. Mitrovicasit dhanë maksimumin në parket për të arritur deri të kjo fitore e merituar.

Në prag të befasisë ishte debutuesja në elitë, Futura e cila humbi duelin me Pejën me rezultat të ngushtë 81:87. Mysafirët nga Peja gjatë gjithë kohës ishin në epërsi madje deri në 20 pikë, e cila krijoi tek ta vetëkënaqësi që gati se nuk iu hakmor. Fundi u karakterizua me lojë dramatike ku nikoqirët në mungesë të përvojës nuk ia dolën të shënojnë fitore, edhe pse në minutën e fundit dukej që ishin shumë afër saj.

Fitore shumë të vështirë shënoi edhe Bashkimi në Prizren që mposhti Dritën me rezultat shumë të ngushtë 87:85. Para fillimit të këtij edicioni Bashkimi llogaritej ndër skuadrat favorite për titull, porse rrjedha e kampionatit nuk po e dëshmon një gjë të tillë.

Rezultatet
Trepça- Sigal Prishtina 77:67
Futura – Peja 81:87
Bashkimi – Drita 87:85
Kolegji Universi – Kosova 86:82

Tabela
1. Peja 4 3 1 7
2. Trepça 3 3 0 6
3. Bashkimi 4 2 2 6
4. Sigal Prishtina 3 2 1 5
5. Drita 4 1 3 5
6. Kolegji Universi 3 1 2 4
7. Kosova 1 0 1 1
8. Futura 2 0 2 2

Në xhiron e pestë takohen:
Peja – Trepça
Kosova – Bashkimi
Sigal Prishtina –Kolegji Univers
Drita – Futura

/Telegrafi/