Terroristët morbidë të ISIS-it, bëjnë kësi shpallje për vajzat jazidi: Virgjine, e bukur, 12-vjeçare… shitet! (Foto/Video, +16)

“E virgjër, e bukur, 12 vjeçe… çmimi i saj është 12.500 dollarë dhe së shpejti do të shitet”.

Një shpallje e tillë mund të lexohet në aplikacionet e popullarizuara, dhe fjala është për xhihadistët e ISIS-it të cilët përpiqen të shesin një nga anëtaret e Yazidi. Ajo është një nga 3.000 gratë dhe vajzat që janë në skllavëri të Shtetit Islamik, transmeton Telegrafi.

Islamistët janë duke humbur kontrollin në qytetet ku kanë shpallur kalifatin, dhe për këtë janë duke u detyruar të shesin skllavet e seksit, dhe kështu janë duke vënë shpallje të shumta në aplikacione të ndryshme siç është Telegram apo Voc ap”, shkruan Daily Mail.

Përveç që janë duke shitur skllavet, islamistët janë duke krijuar bazë të dhënave, në të cilën figuron emri i mallit dhe i pronarit të ri, në mënyrë që të parandalojnë ikjen e tyre nëpër pika të kontrollit.

Pas tentimit të pestë, Lamija Aji Bashar ka arritur të arratiset në mars të këtij viti, duke shpëtuar kështu nga robëria e xhihadistëve të pashpirt. Ajo ka folur për AP, se si ishte rrëmbyer së bashku me vëllanë dhe motrën e saj në vitin 2004, dhe se gjatë këtyre viteve si ishte “dorëzuar” nga ushtari në ushtar.

Gjatë arratisjes ajo kishte hasur në minë, ku nga shpërthimi i saj kishin humbur jetë dy vajza të moshës 8 dhe 20 vjet. Si rezultat i këtij shpërthimi ajo ka humbur shikimin në syrin e djathtë dhe i kanë mbetur shenja në gjithë fytyrën.

Por edhe pse kishte vuajtur shumë nga plagët e marra, ajo thotë se nuk pendohet për rrugën e vështirë dhe të rrezikshme që e kishte marrë.

“Edhe po të humbja dy sytë, ia ka vlejtur sepse kam arritur t’i shpëtojë ferrit të tyre. Konsideroj veten njeri me shumë fat”, ka deklaruar ajo, transmeton Telegrafi.

Fotografitë e të robëruarës së Shtetit Islamik të cilat i ka siguruar AP, tregojnë më së miri për brutalitetin e tyre.

Të gjitha janë të reja dhe asnjë nuk ka më shumë se 30 vjet. Në mesin e të robëruarave është edhe Nazdar Murat, e cila kishte vetëm 16 vjet kur u rrëmbye. Nëna e saj thotë se vetëm njëherë kishte biseduar me të dhe se i kishte thënë se gjendet në Mosul.

“Sa herë që dikush vjen nga ai qytet, vrapoj për t’i pyetur nëse kanë dëgjuar diçka për bijën time. Disa më kanë thënë se ka bërë vetëvrasje, por nuk e di më në çfarë të besojë”, ka thënë nëna e përlotur. /Telegrafi/