Tendencat e ngjyrave vjeshtë 2013

Ngjyrat dominuese janë roza, që shpaloset në të gjitha nuancat e saj, e kaltra kobalt, deri në të kaltër elektrike, e gjelbra smerald, e kuqja dhe e verdha, të cilat sivjet nuk dalin nga moda.

Ngjyra tendencë e kësaj vjeshte është roza me të gjitha nuancat e saj. Varet nga ju për të zgjedhur nuancën rozë që shkon më shumë me ngjyrën tuaj, kështu roza e zbehtë u shkon më shumë biondeve, pasi u jep një ëmbëlsi elegante, roza e vjetër, e cila ka për tendencë ta shuajë pak ngjyrën, u shkon më shumë buneve, ndërsa roza bonbone, sikurse edhe tonet luleshtrydhe, kumbull apo rrush, që u shkojnë të gjithave. Ndërkohë, e gjelbra smerald, të verdhat dhe e kuqja, të cilat ishin dominuese vitin e kaluar, vazhdojnë edhe sivjet.Përzierja e ngjyrave
Njerëzit nuk guxojnë shumë t’i përziejnë ngjyrat, por nuk ka problem nëse ngjyrat nuk kombinohen në mënyrë të përkryer. Mjafton të shihni gjethet e vjeshtës: ato nuk janë gjithnjë të kombinuara dhe kjo gjë i bën kaq të bukura.Pse atëherë të mos kombinoni ngjyrat tradicionale të vjeshtës, që janë e kaltra marine, e kuqja bordeaux, grija apo kakija me ngjyra më të gjalla, këshillon Living. Mund të kombinoni të verdhën e praruar me rozën e zbehtë, të zezën, të bardhë e të kuqen…Zgjidhni vetë! /Telegrafi/