E lindur më 14 Dhjetor të vitit 1979, Adelina Ismaili është fëmija i parë i prindërve Rexhep dhe Mona Ismaili.

Dashuria e saj për muzikën filloi që e vogël, ku filloi të marrë mësimet e para në piano, si dhe të këndojë në plot festivale të njohura për fëmijë.

Ka të përfunduar Akademinë e Arteve, dega Piano dhe Solo-këndim. Një arkivë me mijëra këngë të publikuara në treg, si dhe shumë videoklipe. Mbi 10 albume të edituara shumë të suksesshme si dhe plot çmime nëpër festivale.

Adelina Ismaili njihet si këngëtarja e cila ka bërë revolucion në tregun muzikor shqiptar. Ka kënduar në rryma të ndryshme, duke trajtuar në këngët e saj gjithnjë tema aktuale.

Me një zë të shkëlqyeshëm, aftësi të forta në këndim, e zjarrtë në performancë dhe interpretim, Adelina u emërua nga publiku si DIVA e muzikës shqiptare.