Syzet, aksesori i ri i padiskutueshëm

Syzet me modele të bukura, grafike dhe moderne, i japin një shije të veçantë e origjinale cilitdo stil.

Le të shohim konkretisht se cilat janë tendencat e sezonit vjeshtë/dimër 2013!

Nga forma me kënd drejt së rrumbullakëtës
Këtë sezon, lihen mënjanë format strikte drejtkëndore dhe gjeometrike dhe po shkohet drejt skeleteve të syzeve në forma të rrumbullakosura. Tendenca është në stilin vintage dhe me feminilitet. Syzet zgjaten, rrumbullakosen, ngushtohen, ruajnë një pamje serioze, por me shumë më tepër ëmbëlsi. Për shembull, bien në sy syzet në formë syri maceje “alla Marylin Monroe” apo syzet e rrumbullakëta “alla John Lennon”, por me një pamje më moderne.
Por syzet e rrumbullakëta nuk janë medoemos zgjedhja më e zgjuar. Sa më të gjera dhe ekstravagante të jenë syzet, aq më mirë është. Rëndësi ka të guxohet.

Skelete me ngjyra shpërthyese
Fytyra zbukurohet me ngjyrë të kuqe të ndezur, kafe karamele, dredhëz, nude apo të kaltër të qiellit. Në pjesët anësore të skeletit, guxohet edhe një ngjyrë e ndryshme nga pjesa e përparme, madje edhe dy ngjyra të ndryshme, më të guximshmit mund të guxojnë të përdorin dizajn lëkure zebre apo leopardi. Dyshja bardhë e zi mbetet ende në provë.

Po në sezonin pranverë 2014?
Në sezonin pranverë 2014, syzet do të jenë të kadifta, në dru, lëkurë apo me efektin e dantellës, shkruan Living. Do të përdoren edhe shumë ngjyra të ngrohta në tone portokalli e të kuqe apo edhe tone të ëmbla, si pastel, blu bebeje, korale apo rozë e butë. /Telegrafi/