Statinet te personat me sëmundje të veshkave

Shkencëtarët kanë analizuar dobitë dhe dëmet nga statinet te pacientët me sëmundje kronike të veshkave. Ata kanë raportuar rezultatet për personat me shkallë të ulët të filtrimit glomerular, pacientët në dializë dhe ata me transplantim të veshkave.

Sëmundja kronike e veshkave (shkalla e filtrimit glomerular < 60 ml/min/1.73 m2 ose anomali të urinës) dhe sëmundjet kardiovaskulare zakonisht paraqiten së bashku, ndërsa sëmundja kronike e veshkave po ashtu u paraprin gjendjeve kardiovaskulare. Një studim më i ri ka treguar se filtrimi i ulët glomerular shoqërohet me një rrezik relativ të paraqitjes së sëmundjeve kardiovaskulare. Në analizat e rregullta, disa nga këto efekte janë shpjeguar me praninë e lartë të faktorëve tradicional të rrezikut or sëmundjeve kardiovaskulare te personat me filtrim të dobët glomerular ose me albuminuri. Sido që të jetë faktorët jo-tradicional të rrezikut, siç është anemia (e cila te pacientët në dializë i paraprin hipertrofisë së ventrikulit të majtë, disfunksionit sitolik dhe pamjaftueshmërisë kongjestive të zemrës dhe faktorëve të cilët favorizojnë kalcifikimin vaskular (të cilët te pacientët me dializë i paraprijnë vdekjes) – mund t’i kontribuojnë vdekjes nga sëmundjet kardiovaskulare te personat me filtrim të vogël glomerular ose te ato në dializë.
Kështu që statinet nuk mund të jenë aq efektive në parandalimin e sëmundjeve kardiovaskulare te personat e këtyre grupeve të pacientëve siç bëjnë te popullata e përgjithshme. Ndoshta për këtë arsye, ose për shkak të frikës nga mundësia e rrezikut ose polipragmazisë, personave me shkallë të ulët të filtrimit glomerular shumë rrallë u përshkruhen statinet pas problemeve koronare.

A ndikon filtrimi i ulët glomerular pozitivisht apo negativisht në dhënien e statineve te personat me rrezik të lartë për gjendjet kardiovaskulare, për shkak të sëmundjes ose për shkak të ekzistimit të faktorëve të rrezikut?
Në studimin e bërë, te pacientët para dialize (stadet I-IV) me sëmundje kronike të veshkave, në të cilin janë përfshirë mbi 18.000 pjesëmarrës me shkallë të ulët të filtrimit glomerular, dhe 1.600 persona me gjendje kardiovaskulare, risku relativ i mortalitetit te pacientët e trajtuar me statine ishte 0.81 (nga 0.74 deri në 0.89): d.m.th statinet e kanë zvogëluar rrezikun e përgjithshëm nga vdekja për 19 %. Sidoqoftë këto analiza janë bazuar kryesisht te pacientët me filtrim glomerul mbi 30 ml/min/1.73 m2 (stadet I-III). Vetëm disa pacientë të cilët nuk ishin në dializë dhe kishin filtrim glomerul më të ulët se 30 ml/min/1.73 m2 (stadi IV) ishin përfshirë në eksperiment.

Meta-analizat e studimit të pacientëve në dializë dhe atyre me veshka të transplantuara, nuk treguan ndonjë dobi në zvogëlimin e vdekshmërisë. Prirje të fuqishme në reduktimin e vdekjes nga ndodhitë kardiovaskulare ishin vërejtur në të dy grupet, me një zvogëlim rreth 17 % të vdekshmërisë te pacientët në dializë dhe 32 % te grupi tjetër i personave me veshka të transplantuara. Sa i përket dëmeve, shkencëtarët nuk gjetën ndonjë rrezik të rritur për anomalitë ne funksionin e mëlçisë ose kreatin kinazës (rreziku relativ 1.5, 0.9 deri në 2.6).

Këto të dhëna sugjerojnë se beneficionet nga statiket të vërejtur te popullata e përgjithshme, po ashtu mund të vërehen edhe te pacientët me shkallë të ulët të filtrimit glomerular, pacientët në dializë, dhe personat me veshka të transplantuara,- të cilët kanë sëmundje kardiovaskulare të zhvilluar ose kanë rrezik për të fituar sëmundje kardiovaskulare, te të gjitha këto raste justifikohet trajtimi.

Ndërsa sa i përket ndikimit të statineve në parandalimin e gjendjeve kardiovaskulare te personat të cilat janë në rrezik të lartë për t’i fituat këto sëmundje si rezultat i pranisë së sëmundjes kronike të veshkës (filtrim të ulët glomerular ose albuminuri), nuk ekzistojnë eksperimente të kontrolluara mirë të cilat do t’i përgjigjeshin kësaj çështje. Kurse sa i përket çështjes së parandalimit të progresionit të insuficiencës renale te personat me filtrim të ulët glomerular gjatë përdorimit të statikeve, shkencëtarët treguan se statiket në mënyrë modeste e kanë zvogëluar proteinurinë, mirëpo nuk e kanë përmirësuar dëmtimin e shkallës së filtrimit glomerular. /Telegrafi/