Specialistët e alkolit: Shmangni aksidentet

Specialistët e alkolit u bënë thirrje të dielën drejtuesve të automjeteve që të tregohen më të kujdesshëm, sidomos gjatë sezonit të verës, kur numri i aksidenteve pëson rritje të ndjeshme.

“Në nivel botëror, 45 % e aksidenteve shkaktohen nga konsumi i rrezikshëm i alkoolit. Ne absolutisht që jemi mbi këtë shifër. Tani që ka ardhur sezoni i verës, sidomos të rinjtë i ftoj që të kenë shumë kujdes, të mos përdorin në sasi të mëdha alkool”, tha Shpëtim Doksani, specialist i alkoolit.

Zoti Doksani drejton njëherësh edhe klinikën e trajtimit të varësisë nga akooli dhe, sipas tij,pjesa dërrmuese e personave që trajtohen në të kanë pësuar aksidente si pasojë e drejtimit të automjetit në gjendje të alkoolizuar.

“50 % kanë histori me aksidente të vogla, me trauma në kokë, në shtyllën kurrizore që janë të rrezikshme. Për fat të mirë, rrallë me pasojë vdekjen, por kanë pësuar dëmtime, trauma”, tha zoti Doksani.

Të rinjtë janë personat, të cilët kryejnë më tepër aksidente gjatë verës dhe sipas specialistëve ata jo vetëm e drejtojnë automjetin në gjendje të dehur, por dhe në disa raste konsumojnë dhe lëndë narkotike, raportoi AS./Telegrafi/