“Solid” dërgon 18 mijë palë këpucë në Francë

Ka nisur kontingjenti prej tetëmbëdhjetë mijë palë këpucësh “Made in Kosova” për në Francë nga fabrika vendëse e prodhimit të këpucëve “Solid” nga Suhareka.

Agim Shahini, kryetar i Aleancës Kosovare të Bizneseve, tha se janë këtu për të shënuar këtë sukses të fabrikës prodhuese “Solid” dhe i cili na gëzon të gjithëve. Ai tregoi se ky prodhues pos që mbulon me prodhime tregun vendës, eksporton edhe në disa shtete evropiane dhe më gjerë. “Kjo fabrikë dita ditës po rritet dhe e cila ka rrit eksportin mbi 30 për qind, nga e cila nga Kosovë po sjell para të freskëta e të gatshme. Nga këto eksporte pos që përfiton kompania dhe të punësuarit aty, përfiton edhe shteti edhe ekonomia e Kosovës”, tha Shahini.

Prodhimet e Kosovës, dita ditës jo vetëm që po joshen, por edhe po kërkohen edhe nga kompanitë prestigjioze evropiane e më gjerë. Edhe prodhuesit e tjerë duhet të ndjekin shembullin e tillë dhe të ngrisin eksportet nga të cilat do jenë përfitues të gjithë.

Kryetari i AKB-së shtoi se prodhimet e “Solid”-it janë të cilësisë së lartë, gjë të cilën po e dëshmojnë edhe kërkesat e shumta për eksport. Kontingjenti prej 18 mijë palësh kapë vlerë e mbi 300 mijë euro “AKB-ja do të bë të pamundurën që t’i krijohet hapësirë më e madhe prodhuesve vendës dhe që të krijohen politika më konkurruese që i shpien ato drejt rritjes, zhvillimit, uljes së papunësisë”, tha Shahini.

Ai shtoi se janë pak prodhues vendës që eksportojnë, por problem nuk është cilësia, por politikat jo të mira fiskale dhe tejet diskriminuese që të marrin tregje në Bashkimin Evropian e më gjerë.
Kurse Ahmet Kuçi, pronar i fabrikës së këpucëve “Solid”, në Suharekë tha se po nisin kontingjentin e këpucëve për në Francë, prej 18 mijë palë këpucësh, të modeleve të ndryshme. “Interesimi jo vetëm i francezëve, italianëve, gjermanëve, zviceranëve, malazezëve, kroatëve, serbëve e vendeve tjera është i madh. Modeli Eram u nisë sot për Francë ku janë 18 mijë palë këpucë”, tha Kuçi.

Ai tregoi se fabrika prodhon edhe për kompaninë prestigjioze të vendeve të lartë cekura, ku edhe eksporton sasi të mëdha pa ndërprerë dhe shpresojnë se në të ardhmen do të lodhin kontrata e eksportojnë edhe ne vende tjera. /Telegrafi/