Si t’i mbani xhinset e grisura?

Ideale për tendencën "punk" të vjeshtës, ato përdoren tanimë nga të gjitha, por me kusht që të kontrollohen linjat.

Xhinset version 2013 mbahen të grisura. Që nga grisja e vogël e deri tek e çara e madhe, xhinset e grisura lenë të shihet lëkura dhe kanë një pamje "grungy cool" vërtet të efektshme. Ideale për tendencën "punk" të vjeshtës, ato përdoren tanimë nga të gjitha, por me kusht që të kontrollohen linjat.Për një pamje ‘rock’
Xhinset e grisura përdoren për të theksuar efektin ‘rock’. Në këtë rast, përdoren pantallona xhinse të ngushta të zeza, të shoqëruara me një T-shirt të një grupi rok, një xhubot me lëkurë të zezë dhe çizme të shkurtra.

Për një pamje ‘grunge’
Veshjet me kuadrate kanë pushtuar raftet këtë sezon, prandaj duhet shfrytëzuar rasti që të përdoren këmisha me kuadrate, të cilat lidhen në brez. Mjafton të luhet me mbivendosjen e shtresave për të mos ndjerë të ftohtë.

Për një pamje klasike
Një vajzë me stil klasik mund t’i veshë xhinset pak të grisura, duke i kombinuar me një xhaketë klasike apo me një triko ngjyrë rozë dhe me këpucë me taka.

Për një stil mashkullor
Shumë në tendencë, stili mashkullor vijon të jetë shumë tërheqës. Kështu, zgjidhen xhinse të grisura me model mashkullor, të shoqëruara me një triko të gjerë dhe këpucë Oxford ose, disi më femërore, këpucë me taka ose balerina.
Me xhinset e grisura, gjithçka është çështje ekuilibri, këshillon Living. Duhet gjetur kombinimi i duhur./Telegrafi/