Si ta “ushtroni” trurin për të parashikuar saktë rezultatet e ndeshjeve

Fansat sportivë që shijojnë përcjelljen e ndeshjeve mund të aftësohen deri në atë masë saqë të parashikojnë rezultatet e ndeshjeve gati me saktësinë e njëjtë si programi statistikor kompjuterik.

Studimi i ri ka treguar që njerëzit me goxha saktësi mund të parashikojnë rezultatin nëse kanë në dispozicion “informata të mira”.

Hulumtuesit nga Kanadaja, nga Universiteti në Montreal, kanë konkluduar se si truri zgjedh numrin e kufizuar të kujtimeve në të cilat e bazon vendimin gjatë parashikimit të rezultateve.

Duke marrë parasysh atë që ndeshjet shpesh përfundojnë me rezultat të papritur, njerëzve në kujtim u mbeten ato “informata” të cilat pastaj te shumica prej tyre ndërhyjnë gjatë parashikimeve pasuese të rezultateve.

Prandaj hulumtuesit i kanë ndarë të anketuarit në dy grupe, dhe më pas njërit grup i kanë ofruar rezultate reale, ndërsa tjetri ideale, transmeton Koha.net. Ka rezultuar që më vonë të anketuarit nga grupi “ideal” kanë pasur më shumë suksese me parashikimet.

Hulumtuesit kështu kanë ardhur deri te përfundimi që parashikuesit në këtë mënyrë mund të “ushtrohen” deri në atë masë saqë gati të arrijnë aftësinë e sistemeve kompjuterike të cilët punojnë në bazë të dhënave të “spastruara”. /Telegrafi/