Shumica dëshirojnë ekran më të madh

Çfarëdo që ju mendoni për ta, ekranet e mëdhenj janë in. Pra, sipas një hulumtimi të kryer nga Strategy Analytics, pjesa më e madhe e blerësve amerikan dhe britanik mendojnë se diagonalja ideale e ekranit është në mes katër dhe 4.5 inç.

Krahas diagonales së madhe blerësit dëshirojnë edhe pajisje relativisht të holla, e madje 90% e të anketuarve kanë thënë se pëlqejnë celularët me ekranin më të madh se ai çfarë e kanë për momentin. Prej ekraneve më të mëdhenj përfiton pothuajse çdo aktivitet i cili bëhet në celularë, përveç eventualisht thirrjeve, por duhet thënë edhe se numri i tyre është në rënie e sipër. Shfrytëzuesit e Androidit në përgjithësi dëshirojnë ekrane më të mëdhenj në krahasim me pronarët e iPhoneit. Gjithashtu, hulumtimi ka zbuluar se femrat preferojnë celularë më të vegjël në krahasim me meshkujt.

Hulumtimi konfirmon edhe se Apple po e humb avantazhin në këtë fushë – ekrani 3.5-inçësh në iPhone është më i vogli nga të gjithë smartphonët e avancuar. Blerësit në zgjidhje kanë pajisjet siç është Galaxy Nexus 4.65-inçësh, One X dhe Titan 4.7-inçësh nga HTC, ndërsa ka të tillë edhe që pëlqejnë Galaxy Note 5.3-inçësh nga Samsung. /Telegrafi/