LAJMI I FUNDIT:

Shqiptarët nuk do të lejojnë serbët të largojnë banerin “Liria ka emër” në Graçanicë

Shqiptarët nuk do të lejojnë serbët të largojnë banerin “Liria ka emër” në Graçanicë

‘’Liria Ka Emër” është platformë e re e cila ka si synim të japë kontributin e saj në debatin e rihapur mbi rrugëtimin tonë si shoqëri drejt lirisë dhe mbi vlerat që duhet të jenë ideali i shoqërisë tonë dhe themel i shtetit të Kosovës.

Banerët për këtë platformë janë vendosur gjithandej Kosovës, e një e tillë është vendosur edhe në komunën e Graqanicës gjë që u kundërshtua nga banorët serbë, njofton Klan Kosova


Përfaqësuesi i vetëm i shqiptarëve në këtë komunë, Granit Gashi në Klan Kosova tha se ky baner nuk e provokon askënd.

“Nuk ka ndonjë arsye për t’i penguar pasi kjo as nuk nxitë as nuk provokon askënd”.

Gashi tregoi se me i zëshmi kundër këtij baneri ka qenë kryetari i Graqanicës, Srgjan Popoviq.

“Banorët serbë nuk kanë qenë shumë kundër por më i zëshmi ka qenë kryetari i komunës, Srgjan Popoviq, i cili ka thënë gjëra radikale kur thotë se kjo është komunë serbe por kjo është një komunë e Kosovës dhe nuk është komunë serbe. Ai në vazhdimësi bën deklarime të tilla duke diskriminuar shqiptarët”, deklaroi Gashi.

Tutje Gashi theksoi se shqiptarët do ta mbrojnë këtë baner.

“Ligjërisht kjo rrugë është nën menaxhimin e ministrisë së Infrastrukturës dhe nuk kanë të drejtë të marrin iniciativa për heqjen e këtij baneri. Por edhe nëse marrin ndonjë iniciativë duhet ta dinë se do të përballen me banorët shqiptarë të komunës së Graqanicës pasi ne në paqe do ta ruajmë këtë baner dhe nuk do ta lejojmë askënd ta përdhosë”.

“Ne nuk do të sulmojmë askënd dhe nuk do të krijojmë konflikt por do ta mbrojmë në forma paqësore këtë baner për mos t’u larguar nga askush”.

“Nuk ndihemi të kërcënuar pasi ne jemi në shtetin tonë dhe nuk ka nevojë të ndihemi të kërcënuar”.

Gashi tregoi se nuk dihet se kur dhe nga kush u vendos ky baner dhe se Popoviq ka kërkuar edhe nga ndërkombëtarët heqjen e tij.

“Sot isha në stacionin policor në Graqanicë dhe aty më informuar që prokuroria në Prishtinë ka nisur hetime se kur dhe kush e ka vendosur këtë baner dhe me treguan që policia nuk do të ndërmarrë asnjë hap deri kur organet e drejtësisë të japin një version final të këtij baneri”.

“Kryetari Popovic nëpërmjet disa intervistave ka kërkuar nga organet ndërkombëtare të largohet ky baner pasi sipas tij janë të rrezikuar banorët serbë që janë në fshatin e Kishnicës. Por realisht ata as nuk janë të rrezikuar pasi që banorët shqiptarë asnjëherë nuk e kanë përdorur ndonjë metodë për t’i provokuar”, deklaroi Gashi.

Tutje Gashi tha se në seancën e ardhshme në Kuvendin komunal pret se do të diskutohet gjatë rreth këtij baneri.

Në trend Lajme

Më shumë
Rama rekomandon institucionet t’i lirojnë punëtorët më herët nga puna: Parashihen të reshura me intensitet të lartë

Rama rekomandon institucionet t’i lirojnë punëtorët më herët nga puna: Parashihen të reshura me intensitet të lartë

Prishtina
Shi, shtrëngata dhe breshër – parashikimi i motit për këtë javë

Shi, shtrëngata dhe breshër – parashikimi i motit për këtë javë

Lajme
E djathta ekstreme në Francë shkakton shqetësim deri në Kosovë

E djathta ekstreme në Francë shkakton shqetësim deri në Kosovë

Lajme
Tri vite burg për ish-kryebashkiakun Safet Gjici dhe një vit heqje lirie për Alma Kacin

Tri vite burg për ish-kryebashkiakun Safet Gjici dhe një vit heqje lirie për Alma Kacin

Lajme
MPJ thërret qytetarët e Maqedonisë që të largohen nga ky vend

MPJ thërret qytetarët e Maqedonisë që të largohen nga ky vend

Lajme
Biografia e Hristijan Mickoskit, kryeministrit të ri të Maqedonisë së Veriut

Biografia e Hristijan Mickoskit, kryeministrit të ri të Maqedonisë së Veriut

Politikë
Kalo në kategori