Shkencëtarja turke diagnostikon kancerin e lëkurës për 10 sekonda

Dr. Canan Dagdeviren nga Instituti Teknologjik i Masaçusetit (MIT), në Shtetet e Bashkuara të Amerikës, ka prodhuar një pajisje, që diagnostikon kancerin e lëkurës në më pak se 10 sekonda.

Aparati në fjalë, që do të lehtësojnë jashtëzakonisht shumë diagnostikimin e kancerit të lëkurës, ngjitet në trup si të ishte tatuazh.

Kjo arritje e dr. Canan Dagdeviren, e cila është përfshirë nga prestigjiozja “Forbes” në listën “30 shkencëtarë nën 30 vjeç”, është publikuar edhe në revistën “Nature Materials”.

Shkencëtarja turke e shpjegoi shpikjen e saj në një intervistë për agjencinë e lajmeve AA, në ambientet e MIT-së.

“Fillimisht pajisja ushtron presion mbi atë pjesë të lëkurës, mbi të cilën ngjitet, duke konstatuar veçoritë mekanike të saj. Pastaj ajo bën krahasimin e nevojshëm dhe tregon nëse këto indikacione të lëkurës janë pranë atyre të kancerit”, thekson dr. Canan Dagdeviren.

Pajisja mund të përdoret gjithashtu për ekzaminimin e arteriosklerozës dhe matjen e tensionit (presioni i gjakut).