SHBA: Pavarësia e Kosovës – çështje e padiskutueshme

Zyrtarët e Departamentit amerikan të Shtetit porosisin që Prishtina dhe Beogradi të bashkëpunojnë, ndërsa pavarësia e Kosovës është çështje e padiskutueshme

Politika amerikane ndaj Serbisë nuk do të ndryshojë. “Tretmani” i Serbisë në mandatin e dytë të Barck Obamas do të jetë paksa i njëjtë: BE të merret me Ballkanin, nën monitorimin e rreptë të SHBA-së.

Bashkëbiseduesit e ditores serbe “Novosti”, nga Departamenti amerikan i Shtetit, thotë se Obama do të merret më shumë e problemet në oborrin e vet dhe se SHBA çdo herë e më pak do ta luajë rolin e policit botëror.

Ambasadori John Ney, përgjegjës për politikë të jashtme në Departamentin e Shtetit, thotë se Serbia nuk mund të pres një ndryshim të kursit.

“Nga Beogradi dhe Prishtina pritet që të bashkëpunojnë, në mënyrë që t’u vënë pikë çështjeve të hapura. Amerika nuk dëshiron të ndërhyjë shumë në atë dialog. Këtë ia ka lënë BE-së, por do të mbikëqyrë nga afër procesin nëse ai do të dalë përtej kufijve të pranueshëm në Washington, për të cilin pavarësia e Kosovës është çështje e mbyllur”, thotë Nay.

“Problemet me të cilat ballafaqohen SHBA-të janë të mëdha dhe kërkojnë mobilizim të forcave që të shmanget një skenar i tmerrshëm ekonomik”, thotë Walter Podrazika, analist për në Sektorin për politikë të jashtme.

Edhe deputeti në këshillin e Chicagos, Dick Simpson, thotë se Obama duhet të merret më shumë me deficitin.

“Ballkani nuk është në radarin e Washingtonit”, thotë ai.

Bashkëbiseduesit theksojnë po ashtu se Washingoni nuk e sheh me kënaqësi faktin se shumë shtete, përfshirë Serbinë, me lidhje ekonomike po kthehen kah Rusia dhe Kina. /Telegrafi/