Seriali Rama-Basha në rrjetet sociale tërheq vëmendjen e publikut në prag të zgjedhjeve të 11 majit

Një dyshe e njohur tashmë në politikë ka nisur një “serial” në rrjetet sociale në prag të zgjedhjeve parlamentare në Shqipëri.

Me një mënyrë të re komunikimi të shoqëruar edhe me batuta dhe muzike reperësh, Kryeministri Edi Rama dhe ish-kreu i PD (sot drejtues politik i partisë ‘Koalicioni Euroatlantik’), Lulzim Basha po mundohet të tërheq vëmendje duke i drejtuar disa pyetje njeri-tjetrit nëpërmjet videove virale në rrjetet sociale.

Lexo po ashtu Edi Rama publikon video me këngë të Unikkatilit, i bën 'diss' Lulzim Bashës me këngën "Ku të mbetën shokët"

“Si thotë Unikatili Ramë? Ku i ke shokët? Hë me Ramë? Më kishe kërkuar…”, thotë në një nga videot e tij Basha.

Për Ramën ky moment që e quan “zgjimi i Lulit”, është premierë dhe lë hapësirë për të pritur seri të reja. E ndoshta një mundësi për përsëritjen e marrëveshjes së 17 majit, në kushte të tjera.

Kryeministri nuk vonoi me një kundërpërgjigje, duke zgjedhur një tjetër këngë nga repertori i Unikkatilit si përgjigje për Bashën.

Lexo po ashtu Berisha ironizon replikat midis Ramës dhe Bashës: Janë të dashuruar, por e kanë mbajtur të fshehtë

Në një video të postuar në rrjetet sociale, Rama citoi vargjet: “Pse nuk e kupton që ti s’mun m’u shty me mu? Ti ndaç mohoje dost, sa herë ke provu me mu, ke dështu”, duke ironizuar liderin e opozitës.

Ai vijoi duke e cilësuar PS-në si një oqean, ku “një bie, mijëra ngrihen”, ndërsa krahasoi situatën e Bashës me një “lugë uji” ku ai është i zhytur.

Lexo po ashtu Rama vazhdon ironinë me Bashën: Doja listën e hapur, por thash fshihu se të mori para Lul suferina

Në anën tjetër, Berisha ka komentuar replikat në distancë mes Rama dhe Bashës të zhvilluara gjatë ditëve të fundit.

Gjatë një konference për mediat, Berisha tha se Rama e Basha e nxorën hapur dashurinë e tyre, që sipas tij, e kishin mbajtur të fshehur prej kohësh.

Në vijim të fjalës së tij Berisha tha se dashuritë janë me faza dhe sipas tij nuk ka asgjë të re në këtë histori.

Në përfundim, Berisha i uroi Ramën dhe Bashën, duke thënë ‘Zoti ua shtoftë dashurinë mes tyre’.

Kjo lëvizje e Ramës dhe e Bashës vjen në një moment kur Sali Berisha me koalicionin e tij të Shqipërisë Madhështore është pozicionuar si alternativa kryesore kundër qeverisë, ndërsa Basha, me humbjet e njëpasnjëshme brenda PD-së, duket se po kërkon hapësira të reja politike.

Lexo po ashtu Rama ironizon me Bashën: Kush vjen me ty, fiton edhe kur humb

Protagonizmi i ri i Ramës dhe Bashës duket se bëhet në kuadër të tërheqjes së elektoratit në prag zgjedhjesh me mënyra të reja.

Kjo përballje me tone muzikore ka ngjallur reagime të shumta në rrjet, ku qytetarët po e ndjekin këtë “diss politik” me interes dhe humor. Mbetet për t’u parë nëse Basha do të vijojë replikën me një tjetër këngë, apo nëse kjo do të jetë beteja e fundit në këtë përplasje “artistike”. /Telegrafi/