Së shpejti premiera e BMW M2 (Foto)

Sipas disa medieve, BMW M2 Coupe (F87) i ardhshëm do të mbajë premierën në internet në tetor të këtij viti, ndërsa publiku i përgjithshëm do ta mund ta shohë në nëntor në panairin e veturave në Los Anxhelos apo në fillim të vitit të ardhshëm në panairin NAIAS në Detroit.

Lansimi në treg mund të pritet në muajin shkurt apo prill të vitit të ardhshëm.

Sipas disa njoftimeve të mëparshme, M2 pritet të kushtojë rreth 54 mijë euro. Kaq do të duhej të kushtonte modeli M2 me marshin manual me gjashtë shpejtësi, transmeton Koha.net, i cili do të jetë standard, ndërsa versioni me marshin DCT me shtatë shpejtësi mund të kushtojë rreth 56 mijë euro.

M2 i ardhshëm pritet të posedojë motorin 3.0-litër TwinPower Turbo me gjashtë cilindra dhe me kapacitet prej 370 kuajfuqi.

Nëse këto informata janë të sakta, M2 shpejtësinë prej 0 deri në 100 kilometra në orë do ta arrijë për 4,5 sekonda, ndërsa shpejtësinë maksimale do ta arrijë deri në 250 km/h (me paketën “M Driver’s Package” do ta arrijë deri në 275 km/h).

Në paketë pritet të jenë edhe rrotat prej alumini me diametër prej 19-inç, Aero Body Kit, amortizatorët e modifikuar, frenat më të fortë, sistemin sportiv të shkarkimit, Navigation Pro, sensorët e pasmë për parking, ulëset e përparme me nxehje, transmeton Koha.net, kamera në pjesën e pasme, sistemin e zërimit “Harman Kardon”, dritat e përparme adaptive, qasje të internetit, xhamat e errët në pjesën e prapme…

Më herët është raportuar edhe se M2 (së paku në fillim të shitjes) do të jetë në dispozicion në vetëm katër ngjyra: Alpine White, Black Sapphire Metallic, Long Beach Blue Metallic dhe Mineral Grey Metallic.

Ndërkaq, sa i përket enterierit pritet të jetë prej lëkure me ngjyrë të zezë dhe me qepje me ngjyrë të kaltër si kontrast dhe me disa elemente tjera të bëra nga fibra të karbonit.