Rriten drastitkisht çmimet e vezëve në SHBA – Trump fajëson Bidenin

Çmimi absurd, një pako me 10 copë kushton 12 dollarë!

Shtëpia e Bardhë ka ngritur akuza të forta ndaj administratës së ish-presidentit amerikan, Joe Biden, duke pretenduar se ajo është përgjegjëse për vrasjen e miliona pulave, e cila ka kontribuar në krijimin e një mungese të vezëve në treg.

Këto akuza erdhën pas një deklarate të bërë nga një figurë e njohur e politikës, e cila e lidh këtë veprim me krizat ekonomike të kohëve të fundit.

Sipas saj, administrata Biden ka urdhëruar shfarosjen e pothuajse tetë milionë pulave para inaugurimit të presidentit Donald Trump, duke shkaktuar jo vetëm një krizë të menjëhershme për furnizimin me vezë, por gjithashtu një rritje të ndjeshme të çmimeve të tyre në treg.

Check this out!

The Biden Administration killed nearly 8 MILLION chickens ahead of President Trump’s Inauguration, leading to supply shortages and higher prices.

The Egg Crisis is Biden’s Crisis — but President Trump and @SecRollins are fixing it! 🥚🐔 pic.twitter.com/1pmpuQNdvs

— Karoline Leavitt (@PressSec) March 19, 2025

“Administrata Biden vrau pothuajse tetë milionë pula para inaugurimit të presidentit Trump, duke shkaktuar mungesë dhe rritje çmimesh. Kriza e vezëve është kriza e Bidenit”, tha Karoline Leavitt, zëdhënësja e Shtëpisë së Bardhë, e cila bashkëngjiti një grafik që synonte të ilustronte ndryshimet drastike në tregun e vezëve që lidhen me këtë ngjarje.

Ky incident ka nxitur një debat të gjerë, me kritikë që e shohin këtë si një strategji të mundshme për të krijuar një situatë emergjente që mund të përdoret për përfitime politike.

Disa sugjerojnë se veprimi i administratës Biden mund të ketë pasur qëllime të tjera ekonomike ose të ndikimit në politikën e brendshme, duke kërkuar një shqyrtim të mëtejshëm të pasojave të kësaj politike.

Ndryshe, ekspertët dyshojnë se kjo rritje mund të jetë kundërpërgjigje ndaj inflacionit: çmimet e vezëve janë dyfishuar brenda vitit, sipas Departamentit amerikan të Bujqësisë. Ky dikaster parashikon se çmimet do të rriten edhe 41 për qind sivjet. Në janar, çmimi mesatar i një duzinë vezësh ishte 4.95 dollarë, sipas Byrosë së Statistikave të Punës. Deri në mars shkoi në 5.90 dollarë. /Telegrafi/