Receta

Rollatë vendore nga hajnia, nevojiten:
– 2 milionë banorë të mashtruar
– Disa fabrika profitabile
– Qindra mijëra punëtorë
– Pak nepotizëm, interes personal
– Një dozë e caktuar e interesit ndërkombëtarë:

Përgatitet:
Qytetarët duhet të ndahen në dy shtresa dhe të zihen për disa vite në enë të ndara. Sipas nevojës duhet tu hidhen mëlmesa të nacionalizmit dhe urrejtjes. Para zierjes keni kujdes të mos vlojnë, prandaj mbani enët të mbyllura mirë.
Në një enë tjetër fabrikat pastrojini mirë dhe largojani yndyrën për tua ulur vlerën e kalorive e cila është e dëmshme. Para kësaj fabrikat është mirë të marinohen me hajni, kriminalitet dhe interes të freskët nacional.
Përmbajtjet e dy enëve i përzieni mirë dhe me kujdes ua shtoni mëlmesat e interesave të bashkësisë ndërkombëtare.
Me këtë ushqim u preferojmë: Lexaurin, Apaurin, ilaçe kundër tensionit të lartë të gjakut dhe infarktit. Për masat e kujdesit dhe efektet anësore ju lutem kontaktoni me përfaqësuesin tuaj për të cilin keni votuar!