Kanë kaluar tashmë tre muaj negociata, në mes të kryetarit të Lëvizjes Vetëvendosje, Albin Kurti dhe atij të Lidhjes Demokratike të Kosovës, Isa Mustafa, dhe akoma nuk kanë arritur të dakordohen për krijimin e koalicionit dhe formimin e qeveris së re.
Edhe pse takimet janë të shpeshta, përfundimi deri tash po del të jetë i njëjti, pa marrëveshje. E më të dëmtuarit në këtë pjesë po shihet të jenë qytetarët e Kosovës, të cilët janë shprehur të shqetësuar dhe të zhgënjyer për këtë proces, i cili nuk dihet se kur do të mbarojë.
Ismajl Hamiti ka thënë se mos krijimi i qeverisë me kohë do t’i kushtojë shumë të ardhmes së vendit tonë. E tërë fajin për këtë ngecje politike në krijim e qeveris, sipas Hamitit, e ka Lëvizja Vetëvendosje sepse si parti fituese ajo duhet të sakrifikojë më shumë në krijimin e qeverisë.
“Unë mendoj se përveç se u ba vonesë, ajo do të na kushtoj një ditë më tepër se sa ne e marrim sot me mend, sepse asgjë nuk funksionon, kështu që besoj që e bëjnë dhe mendoj se do ta bëjnë, mirëpo nuk është mirë fare nuk është mirë…Lëvizja Vetëvendosje sepse ajo është fituese, kështu që ajo duhet diçka të bëj më tepër se LDK-ja në këtë aspekt edhe nëse është puna diçka me sakrifiku, duhet me sakrifiku sepse edhe të tjerët kanë sakrifiku, jo veç në Kosovë por edhe në vende të tjera, kështu që ata duhet diçka të lëshojnë pe, në aspektin jo negativ por diçka një marrëveshje e cila kish me qenë e pranueshme për të dy palët….U bëmë horë me këto sene, duhet t’i lemë tash, të vazhdojmë të fillojmë të punojmë të bëjmë diçka, të shkojmë përpara, e tërë bota po këqyr na ka pështjellimi poshtë e përpjetë pa ba asnjë punë, pa ba kurgja, kemi njëmijë punë që duhet t’i bëjmë” , tha Hamiti.
Qytetari Alban Musa tha se është turp për partitë politike që e mbyten shtetin e Kosovës dhe e kanë lënë shumë mbrapa.
Musa shprehet se Lëvizja Vetëvendosje është pak më e mirë se Lidhja Demokratike e Kosovës dhe kjo është edhe arsyeja që VV-në janë duke zvarritur në këto procese.
“Këta janë duke bërë hajgare me këtë popull, marre çka janë t’u ba, e mbyten këtë popull, e kanë lan mbrapa këtë shtet, marre…Vetëvendosja është pak më e mirë, duhet me u kanë, po që ka fituar janë t’u e zvarrit Vetëvendosjen, për atë arsye”, tha Musa.
E dëshira e Shefqet Borincës është që të mos arrihet marrëveshja në mes VV-së e LDK-së.
“Të gjithë jemi nervoz, ishalla nuk bohet, pse nuk bohet, se s’po kom qejf, Albini duhet me fitu vetëm…Unë lutna mos me u ba marrëveshja aty u kamuflua një grup i bandave, të cilët i dimë kush janë. Albini ose në të shkon në zgjedhje e të dalim të gjithë kush donë me dalë ose kështu ma mirë mos me u ba, le të bahet m… në tana anët” tha Borinca për KP.
Ilir Halili tha se fajtor kryesor për moskrijimin e qeverisë me kohë është Lidhja Demokratike e Kosovës, sepse sipas tij janë kaherë në pushtet dhe janë më të korruptuarit.
“LDK-ja, spe di se janë më kaherë në pushtet edhe çka po di janë të korruptuar më shumë”, u shpreh Halili
E Fatmir Bekqeli, Vetëvendosjen e quan vetëfundosje. Sipas tij, të dy partitë janë dembele dhe për këtë arsye nuk po munden me u dakorduar për krijimin e qeverisë së re.
Bekqeli tha se nëse vendi do të shkoj në zgjedhje, ai prapë do të dalë të votojë.
“Janë dembela dytë edhe Vetëvendosja, vetëfundosja nuk është Vetëvendosja po vetëfundosja dhe LDK-ja. Po qysh jo, kundër vetëfundosjes”, tha ai.
Milaim Rexhepi, fajtor kryesor për vonimin e krijimit të qeveris e len Lëvizjen Vetëvendosje, pasi është partia e parë fituese dhe e ka barrën për gjithë këto vonesa.
“Shumë keq, shumë keq që janë vonuar, është dashtë me hec shteti përpara…Vetëvendosje masi është e para ajo është fajtore”, tha Rexhepi
Ndryshe, zgjedhjet e parakohshme parlamentare kanë përfunduar me 6 tetor, kurse, marrëveshja në mes VV dhe LDK akoma nuk është arritur.
Promo
Reklamo këtuLufta Prigozhin - Putin
Më shumëNjë grua në veri gjen disa pika të bardha në veturë, policia nis hetimet
Haradinaj: Pritet arrestimi i tre ministrave të Qeverisë Kurti
Hasani: Marrëveshja e Brukselit dhe aneksi i Ohrit rihapin çështjen e statusit të Kosovës
Policia e Kosovës arreston në Mitrovicë të kërkuarin nga Gjermania për vrasje e grabitje
Avokati Halilaj: Faton Hajrizit i ishte premtuar statusi i veteranit të UÇK-së, nëse pranonte se ai kishte vrarë ushtarin rus
Turisti gjerman kishte humbur orientimin nga Valbona në Theth, ndihmohet nga policia
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Publikohen pamjet e momenteve të fundit të liderit të Hamasit
Çka do të thotë për Lindjen e Mesme vdekja e Yahya Sinwarit?
Futbollistët më të paguar në botë - Ronaldo nuk krahasohet me të tjerët
Rikthimi në banesë në veri të Mitrovicës pas 24 vjetësh, Çuni: S'e kam paramenduar se vjen kjo ditë
Arrihet marrëveshja mes Real Madridit dhe Alexander-Arnold, kalimi në janar?
Publikohen foto të tmerrshme që supozohet se tregojnë të vdekur Yahya Sinwarin