Prezantohet vetura familjare Audi Q3

Audi më në fund ka prezantuar versionin më të ri të veturës familjare Q3. Vetura që gjendet në treg që nga viti 2011, është prezantuar të mërkurën në Panairin e automjeteve në Detroit.

Versioni i fundit është prezantuar si model i vitit 2016 dhe do të dalë në shitje sivjet apo në fillim të vitit të ardhshëm. Vozitësit që posedojnë modelin e vitit 2015 nuk duhet të brengosen aq shumë, sepse Audi nuk ka bërë ndryshime të mëdha në modelin e ri.

Ndryshimet e vetme në këtë veturë vërehen te ndërruesi i shpejtësive. Modeli më i ri ka shtatë shpejtësi ‘S tronic dual-clutch’, për dallim nga modeli i vjetër që kishte vetëm gjashtë shpejtësi. Motori që është ofruar te veturat në Amerikë do ketë kapacitet turbocharged 2.0 l me katër cilindra që zhvillon 220 KF.

Audi ende nuk ka konfirmuar nëse në Amerikë do të prezantojë RS QR, që ka motorin turbocharged 2.5 l me pesë cilindra që mjaftojnë për të arritur 340 KF.

Ndryshimet në pamjen e jashtme vërehen vetëm te mbrojtëset e reja dhe disa ndryshime në dritat LED. Përveç këtyre, vetura është e pajisur me rrjetin 46 LTE dhe pajisjen për shpërndarje të Wi-Fi-së.

Në SHBA, çmimi i veturës do të jetë rreth 33 mijë dollarë. /Koha/Telegrafi/