Policia ka zbuluar një rrjet prej 17 burrash që besohet se kanë filmuar 10,000 gra duke u larë në “burime të ujit të nxehtë” në të gjithë Japoninë

Policia japoneze ka arrestuar 17 burra të dyshuar se kanë fotografuar dhe filmuar më shumë se 10,000 gra që po laheshin në “ujë të nxehtë”.

Sipas mediave të huaja, përcjell Telegrafi, kreu i grupit, Karin Saito, 50 vjeç, u arrestua në dhjetor të vitit 2021, sipas Yomiuri Shimbun.

Saito u kap në prefekturën Hyogo, në perëndim të Kiotos, dhe u akuzua sipas një urdhërese për parandalimin e shqetësimeve, një ligj lokal kundër fotografimit të paligjshëm.

Midis dhjetorit 2021 dhe shkurtit, 16 burra të tjerë u arrestuan, duke përfshirë një mjek nga Tokio, drejtues të lartë të kompanisë dhe zyrtarë të qeverisë lokale, raportoi South China Morning Post.

Burrat u arrestuan nga policia në 11 prefektura të ndryshme.

Saito ka rrëfyer se ka bërë foto të grave nudo për 30 vjet në 46 prefektura të ndryshme, tha policia për Yomiuri Shimbun.

Pasi u arrestua, Saito informoi policinë për të paktën një duzinë të tjerë në grupin e tij, raportoi SCMP.

Saito dhe ekuipazhi i tij thuhet se përdorën pajisje kamerash të kualitetit të lartë për të filmuar gratë që laheshin në burimet e nxehta në ajër të hapur, tha policia japoneze.

Burrat i bënin këto foto ndërsa fshiheshin në zonat malore disa qindra metra larg “burimeve ujore”, tha policia.

Grupi do të merrte gjithashtu këshilla nga Saito për mënyrën më të mirë për të fotografuar gratë dhe për të parë pamjet së bashku. /Telegrafi/