Pilulat apo spreji i marihuanës mjekësore mund të lehtësojnë dhimbjet nga skleroza e shumëfishtë
Prova të moderuara tregojnë se pilulat dhe spreji i marihuanës mjekësore mund ta lehtësojë dhimbjen e sklerozës së shumëfishtë, urinimin e shpeshtë dhe ngurtësinë e muskujve.
Hulumtuesit kanë zbuluar se nuk ka prova të mjaftueshme për të treguar nëse pirja e marihuanës është e dobishme në trajtimin e simptomave të MS. Spreji i marihuanës nuk është në dispozicion në Shtetet e Bashkuara.
Kanabinoidet mund të shkaktojnë efekte negative dhe klinicistët duhet të kenë kujdes në lidhje me ekstraktet e standardizuara kundrejt atyre të pastandardizuara të kanabisit dhe cilësisë/mosrregullimit të përgjithshëm.
Dr. Vijayshree Yadav, drejtoreshë klinike në Qendrën për MS të Universitetit të Oregonit për Mjekësi dhe Shkencë, dhe tetë ekspertë të tjerë shqyrtuan kërkimet 40-vjeçare në trajtimet alternative mjekësore për MS.
Përdorimi i mjekësisë plotësuese dhe alternative është i përhapur në 33-80 për qind të pacientëve me MS, thotë Yadav.
Shqyrtimi thotë: klinicistët mund të këshillojnë se terapia magnetike e pacientëve është, sipas gjasave, efektive për rraskapitjen dhe sigurisht joefektive për depresion; vaji i peshkut është sigurisht i paefektshëm për përsëritjet e simptomave, aftësinë e kufizuar, lodhjet, lezionet dhe cilësinë e jetesës; ginko biloba është potencialisht efektive për lodhje, refleksologjia është potencialisht efektive për parestezinë, ose "gjilpërat"; Regjimi i Cari Loderit është potencialisht i paefektshëm për aftësinë e kufizuar, depresionin dhe lodhjen, ndërsa terapia e thumbimit të bletës është potencialisht e paefektshme për rikthimin e simptomave, paaftësinë, lodhjen, vëllimin e lezionit dhe cilësinë e shëndetit.
Cari Loder, ishte profesoreshë nga Londra me MS, e cila zbuloi se një kombinim i përshkrimit të saj të antidepresantëve – lofepramine, vitaminës B12 dhe aminoacidit phenylalanine të gjetur në koka kolën dietale dukej se i lehtësonte simptomat e saj të MS, transmeton Koha.net. Kombinimi njihet si regjimi i Cari Loderit dhe ajo shkroi për të në librin e saj "Standing in the Sunshine."
Gjetjet janë botuar në revistën Neurology. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Santiana Maloku dhe Lirimi i japin fund lidhjes së tyre?
Persona të maskuar shihen në pjesën serbe të pikëkalimit kufitar në Bërnjak
Mbyllet edhe pika kufitare në Merdar, Sveçla: Ekstremistët e maskuar brenda Serbisë po kryejnë veprime fashiste
Trajneri i Rumanisë tregohet një profesionist i vërtetë kur flet për lojën e Kosovës
Sveçla: Mbyllet vendkalimi kufitar në Bërnjak, serbët maltretuan një familje shqiptare që po udhëtonte për në Gjermani
Gërvalla kërkon reagim nga bashkësia ndërkombëtare: Ndaleni Vuçiqin përpara se ai të shkaktojë luftë