Pensionisti pi dy “Viagra”, por asgjë nuk i shkon sipas planit

Një pensionist britanik mendoi se do të kalonte një natë pasioni me një vajzë të re, por gjërat nuk kanë shkuar siç ai e kishte planifikuar.

Ray Boddington, 74 vjeç, kishte takuar një vajzë 27-vjeçare në një pab të zonës ku jetonte dhe mendonte se gjithçka do t’i shkonte fjollë.

Por pas dy tabletave “Viagra”, efekti që ka parë ka qenë i frikshëm.

Ai ka qenë duke udhëtuar në autobus, kur ka ndier nevojën e një mjeku dhe udhëtarët kanë lajmëruar menjëherë ambulancën.

Babai i gjashtë fëmijëve është asistuar menjëherë nga një mjek, i cili i ka thënë se presioni i tij i gjakut kishte kapur nivelet maksimale, përcjell Shekulli.

Testet e kryera treguan se i moshuari e kishte presionin e gjakut në nivelet 157/88, ndërkohë që norma është 140/90. Zemra e tij punonte me një shpejtësi prej 102 rrahjesh për minutë, mbi normën prej 60-100.

Por pavarësisht këtij incidenti fatkeq, pensionisti nuk ka pranuar ndihmën e spitalit, duke u mjaftuar vetëm me atë të dhënë në kushtet e emergjencës në ambulancë.

Pasi gjendja e tij është stabilizuar, ai është kthyer në shtëpi. 74-vjeçari nga Mançesteri është një ish-konkurrent i “X Factor” në Britaninë e Madhe.