Origjanski: Maqedonasit kanë frikë të këpusin një lule e të mos flasim për gjëra tjera

Muzicienti Zlatko Origjanski në një intervistë për REL theksoi se maqedonasit nuk mund që të këpusin një lule e të mos flasim për gjëra tjera. Ai është optimist se zgjidhja e krizës politike në Maqedoni do të ndodh shumë shpejtë.

Zotëri Origjanski, Maqedonia gjendet në njërën prej krizave më të mëdha politike qysh prej pavarësisë, ndërsa zgjidhja e saj varet nga katër përfaqësuesit e partive politike dhe nga bashkësia ndërkombëtare. Mendoni se ky proces i zgjidhjes së krizës politike ndoshta duhej që të ishte më i hapur për qytetarët?

“Janë të përfshirë qytetarët. Paraprakisht kishte protesta, morën pjesë qytetarët ku një pjesë prej tyre ishin nga organizatat jo qeveritare, megjithatë në pjesën më të madhe prej tyre ishin njerëz që nuk kishin lidhje me aktivitetin politik ose partitë politike, si një ndjenjë, si një shpresë se ka ardhur koha për ndryshime. Mendoj se zgjidhja po shkon ngadalë, errët.

Besoj se njerëzit që gjenden në politikë kanë së paku mend për të mos e sjell popullin në gjendjen më të keqe, pasi që nga situatat e këtilla shumë lehtë kalohet në luftëra qytetare.

Mendoj se mentaliteti i maqedonasit është pak më ndryshe. Unë shpesh herë përmendi një këngë popullore në lidhje me mentalitetin. Domethënë maqedonasi, në natyrën e tij nuk ka nisur as një lule ta këput, e të mos flasim për gjëra tjera.

Mendoj se gënjen ai që mendon se do të luaj në atë kartë dhe se do t`i sjell rezultat. Është i pjekur momenti për të ndodhur ndryshime, kthim mbrapa nuk ka. Sado që të duan njerëzit të kthehemi në vitin 2008 ose 2010, nuk mundemi, kështu që mendoj se do të përfundoj edhe kjo gjë në dobi të gjithë neve”, deklaroi Origjanski për REL. /Telegrafi/