Nuk dëshironi seks jashtë martesës

Sot është gjë e zakonshme të bëni dashuri me dikë, me të cilin nuk duhet të jeni në bashkëshortësi. Nuk po themi se kjo është gjë e keqe – nuk është – por edhe nëse nuk doni të keni marrëdhënie seksuale me personin, me të cilin nuk jeni të martuar, është e drejtë e juaj, dhe këtë të drejtë do të duhej ta respektoni.

Dikur ka ekzistuar presion i madh ndaj atyre që kanë pasur seks jashtë martesës, ngase është konsideruar si diçka e pamoralshme dhe e turpshme. Sot nuk është ashtu, kryesisht të gjithëve do t’ju duket normale që me partnerin apo partneren të bëni dashuri, posaçërisht nëse është në pyetje një lidhje më e gjatë, në fakt, që ka arritur deri në atë fazë të normales sa që, shumëkush do të çuditej nëse do të merrte vesh se ju nuk e dëshironi seksin para martesës.

Dhe përderisa kjo dëshirë ende respektohet deri-diku në rast se asnjëherë nuk keni qenë të kurorëzuar ose nuk keni pasur marrëdhënie intime, duke e pritur “natën e parë të martesës” – në raste të tjera mund të tingëllojë si e dalë mode – veçanërisht nëse veçmë keni qenë të martuar, apo keni pasur fëmijë, që është dëshmi e qartë se nuk jeni të virgjër.

Shumë njerëzve mund t’ju dukeni të çuditshëm, nëse pas shkurorëzimit apo humbjes së partneres/partnerit, në një mënyrë a tjerë, nuk dëshironi marrëdhënie jashtëmartesore seksuale, ndërsa nuk keni hequr dorë që të shiheni me partnerët potencial.

Çfarë të bëhet në një situatë të tillë? Nuk duhet t’iu nënshtroheni presioneve, por duhet të bëni pikërisht atë që ju doni. Nëse për ju është e rëndësishme që të mos keni marrëdhënie jashtë martesës, partnerët e tuaj potencial duhet të pranojnë këtë – asgjë të turpshme apo jonormale nuk kërkoni.

A do ndikojnë qëndrimet tuaja që partnerët t’ju largojnë? Disa prej tyre padyshim që do ta bëjnë këtë gjë, por me të tillë edhe ashtu nuk do të ishit përshtatur – ngase një person që nuk është në gjendje të respektojë vendimin tuaj, edhe ashtu nuk ia vlen. Por do të mund të ndodhë shumë lehtë që të befasoheni për të mirë, kur të zbuloni se, qasja juaj u pëlqen disave – pikërisht për faktin se nuk i nënshtroheni asaj që është në trend, por iu përmbaheni parimeve tuaja, edhe pse disa i konsiderojnë si të moçme.

Me fat, dhe mos lejoni që t’ju dekurajojnë ata të cilët nuk ia vlejnë!