Nokia me 125 mijë telefona Windows gjatë këtij viti?

Javën e kaluar, kompania Nokia ka paralajmëruar se së shpejti do t'i lëshojë në treg, telefonat e parë mobil të cilët bazohen në sistemin operativ Windows Phone 7. Modelet e reja do të paraqiten në tregun evropian, në tre-mujorin e fundit të këtij viti.

Sipas të dhënave zyrtare nga kjo kompani, telefonat e mençur mobil fillimisht do të paraqiten në shtetet e mëdha të Evropës, siç janë; Mbretëria e Bashkuar, Franca, Gjermania, Italia, dhe Holanda.

Për më tepër, Eldair Murtzain ka thënë se Nokia planifikon të prodhojë rreth 125,000 telefona të rinj me Windows Phone 7 para përfundimit të këtij viti, që do të thotë se secili prej shteteve të lartpërmendura do të ketë jo më shumë se 21,000 telefona të rinj të kësaj kompanie në dispozicion për përdoruesit e saj.

Me të vërtetë nuk duket se do të ketë shumë telefona të rinj nga Nokia, ndërsa nëse Microsoft dhe Nokia planifikojnë të zgjerohen në treg me telefona të mençur mobil, atëherë ata duhet të planifikojnë të prodhojnë shumë më shumë telefona mobil.

Mirëpo, duhet pasur parasysh edhe transformimin e madh në të cilin po kalona kompania Nokia, dhe modelet e para të këtyre telefonave duhet të shihen si test, pasi që dihet se Nokia do të largohet nga sistemi i saj operativ, Symbian. / Telegrafi /