LAJMI I FUNDIT:

NK-22 mund t’i ndihmojë të sëmurët me Crohn dhe kolit

NK-22 mund t’i ndihmojë të sëmurët me Crohn dhe kolit

Shkencëtarët pohojnë se qelizat imune mund të kenë rol terapeutik në sëmundjet inflamatore të zorrëve, siç është sëmundja Crohn dhe koliti ulceroz.

Nyjat limfatike dhe indi limfatik në traktin intestinal i cili ndihmon në mbrojtjen e organizmit nga patogjenët e jashtëm paraqesin bazën e një lloji të rrallë të qelizave imune të zbuluar së fundmi nga shkencëtarët pranë Fakultetit të Mjekësisë pranë Universitetit të Washingtonit në St. Louis.

Këto qeliza kanë efekt anti-inflamator. Ato janë një formë e NK-qelizave (të cilat kanë rol në eliminimin e qelizave tumorale dhe atyre të infektuara me viruse). Për shkak të tendencave vrasëse që i kanë, NK-qelizat kontrollohen në mënyrë të kujdesshme dhe nuk veprojnë derisa ta marrin sinjalin e duhur.

Disa nga sinjalet të cilat i aktivizojnë qelizat e porsazbuluara janë të ngjashëm me ato të cilat i aktivizojnë qelizat tjera të sistemit imun të cilat kanë veçori të fuqishme inflamatore që mund të shkaktojnë vdekjen qelizore dhe dëmtimin e indit nëse qëndrojnë kronikisht të aktivizuara. Mirëpo qelizat e reja të porsazbuluara, të cilat janë emërtuar NK-22, kanë efekt të kundërt: ato nxisin proliferimin qelizor dhe shërimin e plagëve.


Qelizat NK-22 janë të pranishme në mukozën e traktit gastrointestinal dhe sapo e shohin një patogjen ato reagojnë menjëherë. Kjo është një përparësi e madhe e organizmit, pasi që ky është nj reagim mbrojtës në momentet e para të sulmit patogjenik. /Telegrafi/

Në trend Shëndetësi

Më shumë
Keni herpes në buzë: Çfarë po ndodh në organizmin tuaj?

Keni herpes në buzë: Çfarë po ndodh në organizmin tuaj?

Kalo në kategori